هيدي كرم: برنامج نفسنة كان مليان مشاكل بين المذيعات.. وشيماء سيف عملالي بلوك
تحدثت الفنانة هيدي كرم، عن كواليس برنامج نفسنة، التي شاركت في تقديمه عبر شاشة القاهرة والناس، مع شيماء سيف وانتصار وبدرية طلبة، مؤكدة أن البرنامج تسبب في مشكلات بين المذيعات، قائلة: «نفسنة كان مليان مشاكل بين المذيعات».
خلاف بين شيماء سيف وهيدي كرم
وأضافت، خلال تصريحات تلفزيونية: «شيماء سيف عملالي بلوك من وقت البرنامج بالرغم من إني كلمتها وأكدت عليها متمشيش ولا تسيب مكانها.. لكن هي بتقول عني جبتلها مشاكل وده مش حقيقي خالص لكن براحتها».
البرامج التقديم المشترك
وتطرقت للحديث عن البرامج التقديم المشترك، قائلة: «معرفش هو وحش ولا لا لأني مجربتش أقدم برنامج لوحدي، لكني قدمت أكتر من برنامج تقديم مشترك وكانت تجربية لطيفة».
تفاصيل خضوعها لعملية جراحية
وفي سياق متصل،كشفت الفنانة هيدي كرم تفاصيل خضوعها لعملية تجميل، مؤكدة أنها اتخذت القرار بعد تفكير طويل، وأن الهدف لم يكن تغيير ملامحها، وإنما معالجة بعض الأمور البسيطة التي كانت تزعجها، خاصة أمام كاميرات التصوير.
وقالت هيدي كرم، إنها كانت تمتلك الجرأة للإعلان عن خضوعها للعملية، مضيفة: «هعملها أكيد، بس مش عارفة إمتى أعملها، وكنت مرعوبة جدا، لكن عملتها، وطبعا كل التحية للدكتور لأنه شاطر جدا».
وأوضحت أن الفارق في شكلها بعد العملية لم يكن كبيرا، مؤكدة: «الاختلاف ما كانش كبير، ومفيش اختلاف كبير أصلا، كان فيه حاجات معينة مضايقاني في شكلي، وحاجات مش كل الناس شايفاها، أنا اللي شايفاها».
وأشارت إلى أنها فضلت اللجوء إلى الجراحة بدلا من الاعتماد على حقن الفيلر، قائلة: «ماكنتش عايزة ألجأ للفيلرز وحاجات زي كده، لأن الشكل على الشاشة بيتغير جدا، حتى لو في الحقيقة مش باين، أي ملي بنحطه في وشنا لو في الحقيقة مش باين، على الشاشة بيبقى مضاعف جدا».
وأضافت: «كنت خايفة أخش في دوامة الفيلرز، وألاقي مع الوقت وشي كبر حجمه، فعشان كده أخدت قرار العملية، لأنها كانت حاجات صغيرة بس مضايقاني».
وكشفت عن أول تعليق تلقته بعد عودتها للتصوير، قائلة: «لما بدأت أصور تاني، المخرج قالي: إنت عملت عملية؟ ما اختلفتيش خالص، قولتله: خالص؟ مش حاسس بأي تطور؟ وبعد يومين رجع قالي: على فكرة فيه زوايا باين فيها الفرق جدا».
