"ايه اللي مضايقكم".. هيدي كرم تدافع عن أغنية الألوان لـ عمرو دياب
خرجت الفنانة هيدي كرم لتعرب عن سعادتها الكبيرة وحبها لأغنية الألوان ضمن أغاني ألبوم حبيتك للمطرب عمرو دياب، خاصة بعد أن لاقت العديد من الانتقادات بسبب كلماتها، حيث نشرت مقطع فيديو وهي تغنيها في سيارتها عبر حسابها الرسمي على موقع تبادل الصور والفيديوهات إنستجرام.
هيدي كرم تنجذب لأغنية الألوان
وعلقت هيدي كرم قائلة: “ايه اللي مضايقكم في الأغنية، أول ما بتشتغل ضحكتي بتبقى من هنا لهنا، مزيكتها خطيرة وكلامها لذيذ، هو لازم يعني نقطع شرايين ونقول كلام عميق، ما كده كده كله كذب في كذب يا جماعة، احنا كستات الأغنية عجبانا جدًا وبنفرح بيها وبننبسط لما بنسمعها جدًا، نفسنا حد يقولهالنا، اللي مش عجباهم خليكم على جنب هو عمرو دياب فاهم هو بيقول ايه كويس”.
هيدي كرم تقدم نصائح لاختيار شريك الحياة
في سياق منفصل، قد كشفت الفنانة هيدي كرم، عن نصائحها للمقبلين على الدخول في علاقات عاطفية والباحثين عن شركاء حياتهم، حيث أكدت أن الشخص الذي يبحث عن شريك مثالي يجب أن يتحلى هو الآخر بصفات مثالية.
وقالت هيدي كرم خلال فيديو عبر حسابها الرسمي على موقع تبادل الصور والفيديوهات إنستجرام : "كل واحد فينا لما بيدور على شريك عايز يشاركه حياته سواء كان راجل أو ست .. بيبقى دايمًا بيدور على أحسن حاجة .. يعني الست بتبقى عايزة راجل كريم وحنين وجدع ومعطاء ومخلص ولذيذ ودمه خفيف ومش تافه .. والراجل كذلك بيبقى عايز ست بنفس الصفات .. وطبعًا أكيد كل واحد حقه".
لازم أكون أحسن نسخة من نفسي
وتابعت : "بس علشان أدور على أفضل راجل أو ست .. لازم أنا كمان أكون أحسن نسخة من نفسي .. وبالتالي لما أشتغل على نفسي وأوصل لأفضل نسخة مني ساعتها هجذب حد نفسي .. ولكن ميبقاش أنا قاعد عندي مشاكل وفيا العبر .. وأقول أنا عايز حد ياخدني ويشيلني من على الأرض شيل".
واختتمت هيدي كرم: "ماينفعش راجل يجي يقول على الست إنها مش عارفة قيمتك .. إيه هي قيمتك ؟ .. هل أنتو فعلًا ليكم قيمة حقيقية ؟ .. أو إشتغلتم على نفسكم؟".
