محمد دياب: لو الفيلم المعروض عليا مش هيمشيني على سجادة حمراء مش بعتبره فيلم
قال المخرج والسيناريست العالمي محمد دياب: «لو الفيلم المعروض عليا مش هيمشيني على سجادة حمراء مش بعتبره فيلم».
فيلم تجاري أم فيلم فني بحت؟
وأوضح، خلال استضافته في برنامج «بيت مراد» المذاع عبر شاشة آون، مع الروائي أحمد مراد، أنه لا يهتم بإذا كان الفيلم تجاري أم لا، مؤكدا أنه يفضل طرح قضايا معينة تؤثر في المشاهدين، حتى وإن كان جمهور القضية عدد قليل من الناس.
وتابع المخرد محمد دياب: «أنا مش بختار شيئ واحد بس.. أوقات بفضل تقديم أعمال إنسانية وفيها فكرة، وأوقات بحب أقدم أفلام زي موون نايت أو أفلام زي الأبطال الخارقين مثلا، مش بحب أكون بقدم نوع واحد من الأفلام».
وفي سياق أخر، حرص المخرج محمد دياب، على توضيح حقيقة تصريحاته الأخيرة عن الفنان محمد رمضان، الذي أدلى بها أثناء ظهورهما للاحتفال بفيلم أسد في برنامج الحكاية، الذي يقدمه الإعلامي عمرو أديب.
وقال محمد دياب: «دي غلطتي، كان قصدي إن الناس بتقول ورينا ياللي جاي من مون نايت، هتعمل إيه، فالناس بقى بتقول رايح يشتغل مع محمد رمضان اللي هو مختلف معاه».
وأضاف محمد دياب، قائلا: «يعني أنا شخصيًا بتاع الأفلام اللي المفروض قبلها مش دايمًا تجارية، ومحمد بتاع الحاجات التجارية، شفت بقى الكلام الحلو ده؟».
وتابع محمد دياب، قائلا: «محمد لو اتكلم باللغة الإنجليزية هيبقى عالمي، وهيشتغل في هوليوود».
وأثارت تصريحات محمد دياب عن محمد رمضان، جدل كبير بين رواد السوشيال ميديا، خاصًة عقب نظرة الأخير للأول والتي تداولها رواد السوشيال ميديا بشكل واسع.
وقال محمد دياب، في تصريحه: «أنا اللي كان عندي تحدي كبير جدا وكنت مرعوب منه، عشان الناس كانت بتقولي ورينا بقى هتعمل إيه بعد Moon Knigh، ورايح أشتغل مع مين بقا بالنسبالهم مع محمد رمضان، والناس ممكن تشوف إن التوليفة بينا مختلفة».
وأكمل محمد دياب، قائلا: «أنا رأي إن محمد رمضان جوهرة ولسه عنده أكتر يقدمه وفيلم أسد هيظهره بشكل جديد ومختلف عن اللى الجمهور متعود عليه، رغم نجاحه الكبير طبعا، والناس هتبقى فخورة بيه».
