محمد دياب عن المنافسة بين أسد و7Dogs : كريم وعز أكبر نجمين في الوطن العربي

علق المخرج محمد دياب على منافسة فيلمه أسد بطولة النجم محمد رمضان مع فيلم 7Dogs بطولة النجمين كريم عبدالعزيز وأحمد عز.

وأكد محمد دياب في تصريحات تلفزيونية، أن كريم عبدالعزيز وأحمد عز هما أهم نجمين في الوطن العربي، وهو ما اعتقده بالبعض ذلة لسان أخرى لـ دياب، بعد تعرضه للانتقادات عن حديثه عن محمد رمضان منذ أيام قليلة.

وقال دياب : "لو أنا مش مقلق من فيلم 7Dogs يبقى أنا معنديش تقدير، لأنه مصروف عليه كل الإمكانيات، وفيه أكبر نجمين في الوطن العربي، بس أنا دايمًا مؤمن إن فيه مساحة إن كله ينجح".

وكان قد أثار المخرج محمد دياب، حالة من الجدل عبر منصات التواصل الاجتماعي المختلفة، عقب ظهوره رفقة صُناع فيلم أسد، ببرنامج الحكاية، الذي يقدمه الإعلامي عمرو أديب.

وجاءت حالة الجدل بعد تصريحات محمد دياب عن الفنان محمد رمضان، والذي اعتبرها البعض مسيئة للأخير، نظرًا لاختلاف شخصيته في فيلم أسد عن نوعيه أعماله السابقة.

وقال دياب، في تصرحه الأخير عن محمد رمضان: "أنا اللي كان عندي تحدي كبير جدًا وكنت مرعوب منه، عشان الناس كانت بتقولي ورينا بقى هتعمل إيه بعد مون نايت، ورايح أشتغل مع مين بقا بالنسبالهم مع محمد رمضان، والناس ممكن تشوف إن التوليفة بينا مختلفة".

وأضاف محمد دياب : "أنا رأي إن محمد رمضان جوهرة ولسه عنده أكتر يقدمه، وفيلم أسد هيظهره بشكل جديد ومختلف عن اللى الجمهور متعود عليه، رغم نجاحه الكبير طبعًا، والناس هتبقى فخورة بيه".

ولكن خرج بعدها دياب لتوضيح تصريحه عن رمضان، وقال في تصريحات تلفزيونية : "دي غلطتي، كان قصدي إن الناس بتقول ورينا ياللي جاي من مون نايت، هتعمل إيه، فالناس بقى بتقول رايح يشتغل مع محمد رمضان اللي هو مختلف معاه".

وأضاف محمد دياب، قائلًا: "يعني أنا شخصيًا بتاع الأفلام اللي المفروض قبلها مش دايمًا تجارية، ومحمد بتاع الحاجات التجارية، شفت بقى الكلام الحلو ده؟".

وتابع دياب : "محمد لو اتكلم باللغة الإنجليزية هيبقى عالمي، وهيشتغل في هوليوود".