رد فعل غير متوقع من هشام ماجد على فيديو سخرية محمد دياب.. شاهد
حل المخرج العالمي محمد دياب ضيفا على صانع المحتوى إياد الموجي في برنامجه «السبت الممتاز» عبر يوتيوب، حيث شهدت الحلقة تصريحات مثيرة للجدل حول علاقة دياب بالفنان هشام ماجد، وكواليس الفيديوهات التي تجمعهما.
فيديو محمد دياب عن هشام ماجد
وخلال الحلقة، تم عرض الفيديو الذي أثار جدلا خلال الساعات الماضية، والذي تضمن: «على فكرة هشام كان ولا حاجة قبل مسلسل أشغال شقة.. شكرا خالد دياب أخويا هو اللي رفعه.. ده كان تحت»، ليرد هشام ماجد قائلا: «كنت بقعد على القهوة أتحايل على المخرجين لحد ما خدني أستاذ خالد دياب».
ندم على الهزار العلني
وأعرب دياب عن تخوفه من فهم الجمهور لهذه المداعبات بشكل خاطئ، مؤكداك «في الـ20 سنة اللي فاتوا ده الفيديو الوحيد اللي نفسي يتشال.. لأن الطريقة اللي بنهرج بيها مش كل حاجة تطلع أونلاين.. والناس مش عارفين إننا صحاب وإخوات أوي».
شهادة محمد دياب حق في هشام ماجد
وانتقل المخرج محمد دياب للحديث عن الجانب الإنساني لهشام ماجد، واصفا إياه بأنه مستشاره الفني، حيث قال: «هشام إنسان محترم جدا ومن أكتر صحابي الجدعان.. لما فعلا بتزنق في حاجة بقوله.. وباخد رأيه في كل حاجة وفي أي خطوة بعملها».
كما أثنى على موقف هشام بدعمه لشقيقه خالد دياب في تجربة الإخراج قائلا: «هشام هو اللي منح المخرج خالد دياب أخويا فرصة ودي حاجة تحسب له».
المخرج محمد دياب عن محمد رمضان
وتحدث محمد دياب عن الضغوط التي يواجهها بعد تجربته مع شركة مارفل في مسلسل Moon Knight، مشيرا إلى أن مشروعه الجديد مع محمد رمضان يحظى باهتمام ومتابعة من الجمهور.
وعلق دياب على ظهوره السابق مع الإعلامي عمرو أديب الذي قال فيه: «المواجهه كنت مرعوب منها أن أنا بقى اللي جاي من مون نايت والناس هتقولي ورينا بقى يا عم هتعمل ايه.. ورينا بقى الشغل.. لأ وإيه رايح اشتغل مع مين ده مع محمد رمضان.. محمد جوهرة لسه فيها وهيطلع منها أكتر».
محمد رمضان عالمي
وأوضح تصريحاته السابقة: «الناس بتقول رايح يشتغل مع محمد رمضان اللي أنا بختلف معاه ولما قولت أنه لسه عنده حاجات مظهرتش قصدي أن مش كل حاجة عنده طلعت.. لأ موهبته لسه فيها طبقات اللي هو أنت هتبقى عالمي».
