بعد التريندات.. تامر فرج: "لم أتعرض لإلغاء اشتراكى للأنترنت بسبب ضعف المشاركة"
خرج الفنان تامر فرج ليعلق على كافة التريندات التي تحتل مواقع التواصل الإجتماعي خلال الأيام الماضية، وذلك من خلال منشور عبر حسابه الرسمي على موقع التواصل الإجتماعي فيسبوك.
تامر فرج يعلق على التريندات بشكل مختلف
وعلق تامر فرج معلقًا: "عاجل أصدقائى الأعزاء احب اطمنكم عليا بالنسبة للى حصل الفترة اللى فاتت، انا ما كتبتش تعليق او رأى او بوست عن اللى حصل من كابتن حسام حسن، ولا عن اللى بيحصل فى مراسى، ولا عن المحامية اللى دبحت والدتها، ولا عن الست اللى قفشت جوزها و جوز اخته مع ستات فى جنينة، ولا كتبت أى حاجة بخصوص أى تريند ظهر الفترة اللى فاتت على السوشال ميديا، و رغم كده احب اطمنكم أن أنا بصحة جيدة وأسرتى بخير، و لم نصاب بأى لعنات، أو أمراض، أو أوبئه و لم أتعرض للتنمر أو التشكيك فى وطنيتى أو فى قواى العقلية بأن حد يقول عليا "اللى مكتبش تعليق أهوه" مثلا أو والعياذ بالله حد يخوض فى عرضى و يقول "اللى معندوش بوستات أهوه" ولم أتعرض لإلغاء اشتراكى للأنترنت أو إلغاء بروفايلاتى على وسائل التواصل الاجتماعى بسبب لامؤاخذة ضعف المشاركة، أميتوا الترند بالسكوت عنه و عدم الخوض فيه و والله هتلاقوا حاجات كتير اتحسنت فى الحياة".
تامر فرج في مسلسل البخت
وشارك الفنان تامر فرج في مسلسل البخت، الذي عُرض مؤخرًا في موسم رمضان، وهو يعد من بطولة كوكبة كبيرة من الفنانين المتميزين، ومن أبرزهم الفنان أحمد عبدالعزيز، الفنانة عبير صبري، الفنانة هالة فاخر، الفنانة لمياء كامل، الفنان تامر فرج، الفنانة بسنت النبراوي، ومكون من ٣٠ حلقة.
تعليق تامر فرج على واقعة فتاة الأتوبيس
في سياق منفصل، قد علق الفنان تامر فرج على واقعة فتاة الأتوبيس، مستنكرًا من تأييد طرف ضد الآخر رغم استمرار التحقيقات في الواقعة، حيث كتب تامر فرج عبر حسابه بموقع فيسبوك: "بخصوص موضوع التحرش بالبنت فى الأوتوبيس بغض النظر عن الموضوع نفسه اللى أصبح فى ايدين السلطات هتحكم فيه فبالتالي ماليش إني أؤيد طرف ضد التاني مش ملاحظين أن الموضوع خرج من كونه واقعة تحرش أو لأ إلى كونه تقويم الستات على الرجالة والرجالة على الستات؟؟ أهلي وزمالك يعنى؟؟ وفى نفس الوقت في تقويم للمسلمين ضد المسيحيين والمسيحيين ضد المسلمين؟؟.
وأضاف تامر فرج: "واخدين بالكم من البرامج اللى بتقوم أي طرفين ضد بعض؟؟ طب خلوا بالكم بقى وبصوا على الصورة الكبيرة أي غضب من نص المجتمع ضد التاني أو أي طرف ضد الطرف الآخر ده بيضعف المجتمع وبيفكك الجبهة الداخلية وبيشغلنا عن أمور كتير لازم نركز فيها الفتنة مش لازم تكون طائفية الفتنة سلاح مدمر أكتر من السلاح التقليدي".
