هند عبد الحليم تحسم الجدل: شيلت الحسنة لأسباب طبية مش عشان أغير شكلي

ردت الفنانة هند عبد الحليم على الجدل الذي أثير عبر مواقع التواصل الاجتماعي بعد إزالتها الحسنة من وجهها، مؤكدة أن القرار جاء بناءً على توصية طبية وليس بدافع تغيير شكلها.

إزالة الحسنة بسبب كبر حجمها

وأضافت، خلال لقاء خاص ببرنامج «الستات ما يعرفوش يكدبوا» المذاع عبر قناة «سي بي سي»: «الحسنة شيلتها عشان كبرت جدا وابتدت تطلع حواليها حسنات، فروحت لدكتور أمراض جلدية، الدكتور كشف عليا قالي لازم نشيلها، لأنها كبرت وبدأ شكلها فعلا ميبقاش حلو، لأنها كانت الأول حلوة وبحبها، كانت مني وعشرة، مش سهل عليا اللي هو يلا باي باي مع السلامة».

تعليقات إيجابية وسلبية

وتابعت: «أنا اتضطريت أعمل دا، بس الناس مش بتبص على دا، الناس بتبص تقولك لا انتي عايزة تغيري شكلك، في تعليقات جت إيجابية وسلبية».

وتحدثت الفنانة هند عبد الحليم عن مسيرتها الفنية: «أنا لسه معملتش حاجة ولسه في حاجات كتير أوي عايزة أقدمها، عايزة أشتغل كل حاجة، بعتبر المسرح بيتي، نفسي أعمل أدوار شريرة شوية، عايزة أعيش الحالة دي بما إني في الحياة العادية مبعملهاش فعايزة أعيشها بقى في التمثيل».   

أهلي أول داعمين ليا في التمثيل

وأضافت، خلال لقاء خاص ببرنامج «الستات ما يعرفوش يكدبوا»، المذاع عبر قناة «سي بي سي»: «أهلي أول داعمين ليا في التمثيل، ودكتور أشرف زكي ليه فضل كبير عليا، بحب الغناء والتمثيل لما بيجتمعوا مع بعض كأنه حلم واتحقق». 

وتحدثت الفنانة هند عبد الحليم عن كواليس لقائها بالزعيم عادل إمام، مؤكدة أن كلماته كانت من أهم اللحظات التي منحتها الثقة في مشوارها الفني.

استقبال عظيم للفنانة

وأضافت، خلال لقاء خاص ببرنامج «الستات ما يعرفوش يكدبوا» المذاع عبر قناة «سي بي سي»: «عادل إمام نجم كبير أوي ومهما قولت مش هكفي، واستقبلني استقبال عظيم عشان عارف إني قلقانة ومتوترة»، متابعة: «اتعلمت من الناس الكبيرة إن أهم حاجة الالتزام».

بداية التعامل مع عادل إمام 

وأضافت: «عادل إمام قالي انتي عنيكي حلوة جدا وهتبقي حاجة كبيرة، وقالي انتي شاطرة، فطبعا دي شهادة خدتها، كنت طايرة من السعادة ومش مصدقة نفسي».