صحاب الليل .. هند عبد الحليم تروج لأغنيتها الجديدة بالتعاون مع عبد الرحمن رشدي
روجت الفنانة هند عبد الحليم لأحدث أعمالها الغنائية بالتعاون مع المطرب عبد الرحمن رشدي، وحملت الأغنية عنوان صحاب الليل، حيث نشرت مقطع فيديو من الأغنية عبر حسابها الرسمي على موقع تبادل الصور والفيديوهات "إنستجرام"، وعلقت قائلة: "دلوقتي تقدروا تسمعوا أغنيتي الجديدة مع عبد الرحمن رشدي على يوتيوب .. وكل المنصات الموسيقية .. مستنية رأيكم".
كلمات أغنية صحاب الليل
وجاءت كلمات أغنية صحاب الليل على النحو التالي: "وأهو كل يوم .. قلبي وحيد مش جايلو نوم .. حبينا أكتر من اللزوم .. واتسبنا فجأة في ليل شتاء .. والحزن أتقل من الهدوم .. مفهاش جديد .. أقرب ما ليك عنك بعيد .. مكتوب يا قلبي الخوف يزيد .. بتعيش عشانهم وفى أخر هيعيشوا .. وإنت تعيش وحيد .. كان فيه ياما ناس هنا حوالينا .. بقوا بس دموع جوه عنينا .. وبقينا صحاب الليل .. والليل مالوش أصحاب .. والقلب ها يفضل وحداني .. خوف يخلص يبدأ خوف تاني .. عايشين بالقسمة .. متاخدين في الدنيا غياب .. كان فيه ياما ناس هنا حوالينا .. بقوا بس دموع جوة عنينا .. وبقينا صحاب الليل .. والليل مالوش أصحاب .. والقلب هايفضل وحداني .. خوف يخلص يبدأ خوف تاني .. عايشين بالقسمة .. متاخدين في الدنيا غياب .. وأنا ليا مين .. غير ليل طويل بيفوت حزين .. سهرانة وسط السهرانين .. واهو كل يوم بنقول لروحنا بكرة نبقى كويسين .. وادي بكره فات .. ومجاش وراه غير السكات .. تقلت علينا الذكريات .. عايشين نفكر في القديم .. واللي بنصبح فيه نبات .. كان فيه ياما ناس هنا حوالينا .. بقوا بس دموع جوه عنينا .. وبقينا صحاب الليل .. والليل مالوش أصحاب .. والقلب هايفضل وحداني .. خوف يخلص يبدأ خوف تاني .. عايشين بالقسمة .. متاخدين في الدنيا غياب".
وتعد أغنية صحاب الليل من كلمات مصطفى ناصر، ومن ألحان عبد الرحمن رشدى، ومن توزيع موسيقى ماهر الملاخ، ومن إخراج بيشوى يسى، ومن غناء هند عبد الحليم وعبد الرحمن رشدي.
مسلسل الأميرة ضل حيطة
وشاركت الفنانة هند عبد الحليم في مسلسل الأميرة ضل حيطة، التي تم عرضه في النصف الأول من موسم رمضان السابق لعام 2025 على قناة أبو ظبي، وشارك في بطولته ياسمين صبري، نيقولا معوض، وفاء عامر، هالة فاخر، هند عبد الحليم، هاجر الشرنوبي، سلوى عثمان، مها نصار، غفران محمد، عابد عناني، عزت زين، رانيا فريد شوقي، نضال الشافعي، أحمد جمال سعيد، سمر مرسي، وهاجر عفيفي، مونيكا ألفونس، والعمل من تأليف محمد سيد بشير، ومن إخراج شيرين عادل.
