ياسمين عز عن حادث ضرب طبيبة الأسنان: المريضة عايزة تعمل يا شمس يا شموسة

قالت الإعلامية ياسمين عز: «كلام الناس عن دكتوره الأسنان اللي اتضربت واتبهدلت وأيدها اتكسرت علشان مرضيتش تدي مريضه الضرس اللي خلعته»..

وأضافت، خلال حلقة اليوم من برنامج «كلام الناس» المذاع عبر شاشة إم بي سي مصر: «في مريضه دخلت لها خلعت ضرسها والمريضه  كانت عايزة تاخد الضرس تعمل يا شمس يا شموسه أو هي عايز تعمل حاجه بالضرس إحنا مش فاهمينها المهم الطبيبه قالت إن ده ممنوع علشان هينشر عدوى وده إجراءات طبية متعارف عليه وبعدين كلامها معجبش المريضة وأختها فشتموها وضربوها زي ما ظهر في الفيديو اللي انتشر في مصر كلها وراجل دخل ماسك خشبة أو عصاية وضرب الدكتوره وكان في حد مع الدكتوره اتضرب.. ده منظر مش طبيعي ومينفعش علشان ضرس».

وتابعت : «ده ضرب عنيف ولا حد كان قادر يلحق الدكتوره الغلبانة اللي ساحيه في دمها وحصل لها كسر مضاعف في أيدها الشمال ده غير الجروح والإصابات في دماغها ورقبتها ده غير نفسيتها الدكتور اتبهدلت».

وأردفت: «الدنيا اتقلبت والفيديو انتشر.. كل الشكر للنقابة اللي وقفت جنب الدكتوره والداخلية اللي مش عارفة والله بيلاحقوا على إيه ولا إيه من اللي الناس بتعمله أو بعض الناس الخارجة على القانون إحنا عايزين نتطمن على الدكتوره ومنسيبش حقها».

وواصلت: «طلعت رواية تانية من أخت المريضة بتبرر وبتقول قبل الحادث المصور الاتنين كانوا بيشربوا عصير والدكتوره اعترضت وطلبت منهم يمشوا وإن الدكتوره هي اللي غلطانة وتجاوزت من في حقهم ورشت عليهم مياه والخناقة بناء على إن أصلا أختها اتضربت».

واختتمت: «إحنا لينا باللي بنشوفه هل المنظر وكمية الرجالة اللي داخلة ومعاها خشب ولا عصيان داخلين يضربوا ست وراجل هل ده ينفع دي دوله قانون إحنا فين هنا مينفعش كده دي دولة قانون».

وفي وقت سابق، قالت الإعلامية ياسمين عز: «جرا إيه يا أمريكا محدش قادر عليكم لا إيه؟ أومال لو بتنافسوا على كأس العالم كنتوا حبستوا ميسي وامبابي وكرستيانو ورحلتوا مو صلاح فين كرم الضيافة، يعني إيه منتخبات تتفتش 11 ساعة في إيه هما مش مقدمين على شغل في البيت الأبيض».

وأضافت، خلال حلقة اليوم من برنامج«كلام الناس» المذاع عبر شاشة أم بي سي مصر: «الكاب بتاع صلاح بقا.. هو واقف على السلم والشمس في قفاه وهو متربي بره معندوش شمس وراح أمريكا حر زمهرير وهو قالبه علشان قفاه وهو قاله اقلعه علشان نتصور لكن هو معملش كدا زي ما أنت بتقول حاضر ومتعملش».

وتابع: «وبعدين لما مقلعهوش وحسام حسن بصله إداله النظرة بتاعته اللي بيديها لللحارس قبل ما يجيب الجونب.. عادي هو بيحفظ هالته هو عنده حبل أفكار وبنات أفكار وبيكبس على أفكاره علشان محدش يسرق منه فكرة.. كده بيحط حدود ياريت متعملش قصه من مفيش».