إيناس عز الدين تكشف عن تعرض حساباتها لحملة ريبورتات كبيرة |تفاصيل
كشفت المطربة إيناس عز الدين عن تعرض حساباتها لحملة هجوم كبيرة وريبورتات، وذلك من خلال منشور عبر حسابها الرسمي على موقع التواصل الإجتماعي فيسبوك.
تعرض حسابات إيناس عز الدين لحملة هجوم كبيرة
وقالت إيناس عز الدين معلقة: “هو أنا مش عارفة ليه ده بيحصل حقيقي بس أنا الاكونت الشخصي و البيدج بتوعي على فيس بوك تحديداً بيتعرضوا لحملة ريبورتات كبيرة قووووووي وأنا ما عنديش لا فريق سوسيال ميديا و لا غيره ولا حد يقولي اتصرف ازاي و حقيقي مش عارفة ليه ولا مين و مصدومة تماماً ومش عايزة حاجة تعكر عليا فرحتي و نجاحي بس لو حد عنده معلومة المفروض اعمل ايه ياريت ما يبخلش عليا بيها، اللهم إجعل كيدهم في نحورهم”.
تامر حسني يدعم إيناس عز الدين
وقد حرص المطرب تامر حسني على أن يدعم المطربة إيناس عز الدين خاصة بعد تعرضها لحملة هجوم كبيرة بعد نجاح أحدث أغانيها “زينة الخلايق”، وذلك من خلال تعليق على منشورها عبر مواقع التواصل الإجتماعي.
حيث قال تامر حسني في تعليقه: “لسه شايف الفيديو ده بالصدفة، إيناس حببتي اللجان اللي بتتعمل ضدك من الناس اللي مش حابين نجاحك، أحب أطمنك عندي أكتر منهم بمليون مرة وبيحاربوني من 20 سنة، وعرفت أبقى والحمدلله تامر اللي حلم وحقق حلمه بفضل الله، أنشفي يا بنت”.
رد إيناس عز الدين على تامر حسني
لترد عليه إيناس عز الدين قائلة: “أنا أكتر واحدة محظوظة على وش الأرض أني ألاقي كومنت زي ده من نجم بفنه، وقبل فنه هو نجم بمواقفه وأخلاقه وشهامته، الجميل تامر حسني لما ألاقي الكومنت الجميل ده على الفيديو بتاعي، ربنا يجعلك سبب في سعادة الناس وتكون دايمًا داعم ليهم، ده مش أول موقف ليك معايا بيبين معدنك الطيب، والأحلى من كده أنك خلتني أقعد أفكر أني مش أنا لوحدي اللي حاسة الإحساس البشع ده، وأنا ناشفة وشعري شاف أحنا قدام في الشغلانة بردو”.
إيناس عز الدين تتعرض لهجوم شديد
وقد خرجت الفنانة إيناس عز الدين عن صمتها لتواجه حملة هجوم عنيفة عليها، بالتزامن مع إطلاق ونجاح أغنيتها الأخيرة التي تحمل عنوان “زينة الخلايق”، وجاء الهجوم بعد أن نشرت فيديو احتفالًا بالأغنية لتلقى عدد كبير من التفاعل عليه بواسطة رمز “غاضب”، مما يجعل محتواها لا ينتشر.
