إيناس عز الدين تكشف عن صدمتها في ردود فعل الناس بعد كليبها الأخير
كشفت المطربة إيناس عز الدين عن صدمتها في أقرب ناس لها خاصة بعد طرح أحدث أغانيها “زينة الخلايق”، وذلك من خلال منشور عبر حسابها الرسمي على موقع التواصل الإجتماعي فيسبوك.
صدمة إيناس عز الدين
حيث قالت إيناس عز الدين: “في اللحظة اللي هتعمل فيها حاجة حلوة مهمة تتقدم بيها خطوة تغير مجرى حياتك و تعمل فرق كبير في مشوارك و تغير مسار مستقبلك هتلاقي ناس كتير بتشاركك فرحتك بكل طاقتهم و من قلبهم و ملتفين حواليك بيشجعوك و فرحانين لفرحك و بيباركولك و يهنوك و يساندوك علشان يدفعوك دفعة قوية للأمام و يحطوك في الحتة الصح اللي شايفينك تستاهلها و داعمينك بكل قوتهم .. بس مش هتلاقي بينهم اكتر ناس كنت فاكرهم اول ناس هيبقوا جنبك بيدعموك، و في اللحظة دي أعِد ترتيب مقامات الناس في حياتك”.
واستكملت إيناس عز الدين حديثها قائلة: “شكراً لكل الناس اللي داعميني من قلبهم من امبارح من لحظة نزول الكليب احد دلوقتي ولسه مكملين معايا و بيباركولي بحب و اللي عملوا شير للاغنية و اللي عملوا فيديوهات عليها على تيك توك و اللي عملوا ليها تصميمات جميلة اهداء و اللي بيشيروها في كل حتة و الحمد لله الاغنية بتسمع و طالعة بسرعة انا مش مصدقاها بس فرحانة قوي بيها و بشكركم من كل قلبي ولسه مكملين، يسعدلي صباحكم”.
إيناس عز الدين تهاجم فنان شهير
في سياق آخر، قد هاجمت المطربة إيناس عز الدين، فناناً شهيرًا دون ذكر اسمه، من خلال حسابها الشخصي على فيسبوك، وذلك بعد تورطه في أزمة تخص منشور له عبر السوشيال ميديا هاجم به النساء والكلاب.
وكتبت إيناس عز الدين : "عشت عمرك كله تعمل المستحيل علشان تتشاف على شاشة التلفزيون أو يتكتب عنك خبر، يوم ما اتكتب عنك خبر كان خبر الحكم عليك بالسجن، وعمر ما برنامج عمل لك قيمة واستضافك إلا على حس أزمة الكلاب".
وواصلت إيناس : "شوفت الكلاب قد إيه ليهم فايدة وعملولك قيمة، ده أنت مديون لهم بالشهرة يا جدع، زيك زي غيرك كتير كانوا تحت بير السلم واتشافوا واتسمعوا على حس هجومهم على مخلوقات ربنا البريئة".
