ياسمين عز: الناس شمتانة في تجار الفراخ.. وشوفوا طريقة ترخص المانجوستين

قالت الإعلامية ياسمين عز: «أسعار الفراخ والبيض بيرخصوا بشكل غريب كيلو الفراخ البيضاء بـ حاجة و70 جنية ما بالك السوداء بكام والبيض رخص.. ناس بتقول ان ده تأثير نظام الطيبات.. جماعة دوروا على نظام ده للمانجوستين واورانجوتان ياريت نستفيد».

وأضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «اتحاد الدواجن وشعبة الفراخ بتقول أول ما اللحمة اللي في لتلاجة تخلص الفراخ هتغلى.. بس ليه خلي الغلابة تاكل».

وتابعت: «الناس شمتانة في تجار الفراخ بيقولوا إنتم بعتوا شوية كتير بالغالي عادي دلوقتي تبيعوا بالرخيص وبعدين ده مش في الغلاء كانت حجتكم العرض والطلب.. حاليا ده كمان بسبب العرضوالطلب ده ثأر بايت باين».

وفي وقت سابق، قالت الإعلامية ياسمين عز:«كل فترة يظهر عندنا فيروس، لأن البشرية عايشة أصلا عايزة تنتهي، بس إحنا بنقاوح ومتشبثين بالحياة، وكل شوية ييجي فيروس، بس إحنا متشبثين كويس.. الفيروس الجديد إيبولا وربنا يجعل كلامنا خفيف عليهم هيخلينا هنعمل تسجيل ومتابعة لكل اللي جايين من برة ونعمل فحص ونحطهم 21 يوم تحت الملاحظة وربنا يستر».

وأضافت، خلال حلقة اليوم من برنامج كلام الناس المذاع عبر شاشة إم بي سي مصر: «تعليق صغير لأي حد جاي من المطار منلزقش فيه ما نحضنهوش، ممكن نسلم من بعيد لحد ما نشوف الفيروس رايح فين».
ووجهت نصيحة للسيدات قائلة: «لما تكوني يا شيماء مسافرة بلد عربي شقيق جنبنا وتنزلي يوم الإجازة إنت وسلاحفك الصغيرين تلعبوا في الجنينه أو الحديقة، ويكون فيها مرجيحة، وابنك كريم يقعد على المرجيحة ويلزق وييجي ابن جارتك عايز يلعب يقوله لا أنا حاجزها لأختي جنى ده غلط.. ابنك يلعب شوية على المرجيحة وبعدين شيليه من قفاه عشان ابن الست التانية، ابن البلد عايز يلعب في الحديقة العامة، هي مش بتاعتنا».

وأردفت: «بلاش ابنك وبنتك يقعدوا بالأدوار يمسكوا المرجيحة لحد ما الدنيا تليل.. شيلي عيالك من قفاهم بالتيشيرت اللي عليه ميكي ماوس ده... أنا جالي شكاوي وستات كتير قالوا لي اتكلمي وكله إلا الأمهات».