ياسمين عز: بتنتقدوا لبس المنتخب وناسيين الكتاف.. دول الفراعنة

قالت الإعلامية ياسمين عز: «الناس بتتريق على لبس منتخب مصر وعايزين بدلة كتاب، أنتم عارفين الكتان الطبيعي بكام، أنا مرة جبت فستان كتان ب7000 درهم، إيه هنجيب البدلة بنص مليون؟ وبعدين علم مصر منور أجمل من اي حاجة، إحنا مصريين لو لبسنا خيشة حلو علينا بدل إيه اللي بنتكلم عليها.. والناس اللي بتقول نتعلم من النرويج.. إحنا على أخر الزمن هنتعلم من النرويج يعني».

وأضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «عايزين ننزل من الطيارة بالسيوف والدروع، لا النرويج كانوا بيتصوروا لكن ده مش حقيقي... وبعدين أنا واثقة من المنتخب.. لو كنا لبسنا حاجة تانية كان الناس هيقولوا ده اللي فالحين فيه إنتم مهتمين باللبس مش الأدا الفلوس دي كلها كان لازم تتصرف على المعسكر لكن الناس بتنظر وخلاص رضا الناس غاية لا تدرك».

وتابعت: «المهم نكسر عقدة الدور الاول ونتأهل.. ياه جه في بالي كلمة نتأهل ومشتقة من الأهلي وأغلب لاعبي المنتخب من الأهلي وصلاح بيلبس احمر زي الأهلي وحسام حسن كان في الاهلي أنا متفائلة والله الله عليك يا أهلي ووأولادنا زي القمر وبعدين أنت بصيت على اللبس ومبصتش على الكتاف ده الفرعون».

وفي وقت سابق، قالت الإعلامية ياسمين عز:«كل فترة يظهر عندنا فيروس، لأن البشرية عايشة أصلا عايزة تنتهي، بس إحنا بنقاوح ومتشبثين بالحياة، وكل شوية ييجي فيروس، بس إحنا متشبثين كويس.. الفيروس الجديد إيبولا وربنا يجعل كلامنا خفيف عليهم هيخلينا هنعمل تسجيل ومتابعة لكل اللي جايين من برة ونعمل فحص ونحطهم 21 يوم تحت الملاحظة وربنا يستر».

وأضافت، خلال حلقة اليوم من برنامج كلام الناس المذاع عبر شاشة إم بي سي مصر: «تعليق صغير لأي حد جاي من المطار منلزقش فيه ما نحضنهوش، ممكن نسلم من بعيد لحد ما نشوف الفيروس رايح فين».
ووجهت نصيحة للسيدات قائلة: «لما تكوني يا شيماء مسافرة بلد عربي شقيق جنبنا وتنزلي يوم الإجازة إنت وسلاحفك الصغيرين تلعبوا في الجنينه أو الحديقة، ويكون فيها مرجيحة، وابنك كريم يقعد على المرجيحة ويلزق وييجي ابن جارتك عايز يلعب يقوله لا أنا حاجزها لأختي جنى ده غلط.. ابنك يلعب شوية على المرجيحة وبعدين شيليه من قفاه عشان ابن الست التانية، ابن البلد عايز يلعب في الحديقة العامة، هي مش بتاعتنا».