نادر نور: لحنت خليك جنبي لعمرو دياب في 20 دقيقة.. ومتوقعتش نجاح لو على قلبي
قال الملحن نادر نور، خلال استضافته في برنامج «كلام الناس» المذاع عبر شاشة أم بي سي مصر: «أنا مكنتش متخيل البوست يعمل كدا ويكون في استجابة من المستشار تركي آل شيخ.. وحقيقي أنا عايز ـشكر المستشار تركي آل شيخ على كلامه واستجابته.. يعني لقيت حد بيقول شوفوا اللي بيحصل هنا وحصل تواصل معاه وإن شاء الله خير».
وخلال الحلقة كشف نادر نور عن كواليس تلحينه لأغنية خليك جنبي لعمرو دياب، قائلا: «لحنت أغنية خليني جنبك لعمرو دياب في 20 دقيقة أو حاجة زي كدا.. وده طبعا بسبب الأدرينالين إنخا رايحة لعمرو دياب…أنا اتمنى اتعاون معاه تاني لكن هو بيدير مؤسسة إسمها عمرو دياب هو مش مجرد فنان لا هو مؤسسة بتصحى كل يوم تنافس نفسها».
كما تحدث نادر نور عن أغنية لو على قلبي للنجم فضل شاكر، مشيرا إلى أنه كان يعتقد أنها بها مشكلة، قائلا: «كنت شايف أغنية لو على قلبي فيها مشكلة واترفضت قبل كدا.. ولما قعدت مع فضل شاكر وأخدها قولت هو معقول بيشتري أي حاجة؟ وقلقت لما قالي هتنزل سينجل ومصورة.. لكن فضل شاكر شافها بعين فنان وعرف إنها جوهرة».
وفي وقت سابق، نفى الملحن نادر نور وجود خلاف مع المطرب رامي صبري، بعد تصريحات الأخيرة التي أشار من خلالها رامي إلى عدم رده على الملحنين بسبب عدم التجديد، وربط الكثيرون حديثه بـ نادر، بعدما أكد الملحن معاناته من قلة العمل في الفترة الأخيرة.
وشارك نادر نور عبر حسابه الشخصي على فيسبوك "سكرين شوت" لمحادثة بينه وبين رامي صبري على واتساب، حيث كتب رامي لـ نادر : "صحیت النهارده لقيت الاستوري بتاعتي ملمسة عليك معرفش إزاي وليه ؟، بس ببعتلك أقولك لأنه يهمني تفهم، أكيد كلامي مش عليك أبدًا ولا يخصك أبدًا، أنا بتكلم بشكل عام، بس هي شكلها جت فيك من غير قصد".
وكان قد رد الفنان رامي صبري على الانتقادات التي تعرض لها مؤخرًا، بعد كشفه سبب عدم رده على عدد من الملحنين والشعراء الذي يرغبون في العمل معه.
