«موهبته لسه فيها».. ماذا قال محمد دياب عن محمد رمضان ردا على هجوم السوشيال؟

خرج المخرج محمد دياب للرد على الجدل الذي أثير عقب تصريحاته عن الفنان محمد رمضان خلال ظهوره في برنامج «الحكاية» مع الإعلامي عمرو أديب، مؤكدا أن بعض تصريحاته تم فهمها بشكل غير دقيق وتداولها خارج سياقها.

وخلال لقائه مع صانع المحتوى إياد الموجي في برنامج «السبت الممتاز» عبر منصة «يوتيوب»، أوضح دياب حقيقة تصريحاته، كما تحدث عن تفاصيل فيلمه الجديد «أسد»، الذي يتعاون فيه مع محمد رمضان.

المخرج محمد دياب عن محمد رمضان

وتحدث محمد دياب عن الضغوط التي يواجهها بعد تجربته مع شركة مارفل في مسلسل Moon Knight، مشيرا إلى أن مشروعه الجديد مع محمد رمضان يحظى باهتمام ومتابعة من الجمهور.

وعلق دياب على ظهوره السابق مع الإعلامي عمرو أديب الذي قال فيه: «المواجهه كنت مرعوب منها أن أنا بقى اللي جاي من مون نايت والناس هتقولي ورينا بقى يا عم هتعمل ايه.. ورينا بقى الشغل.. لأ وإيه رايح اشتغل مع مين ده مع محمد رمضان.. محمد جوهرة لسه فيها وهيطلع منها أكتر».

محمد رمضان عالمي

وأوضح تصريحاته السابقة: «الناس بتقول رايح يشتغل مع محمد رمضان اللي أنا بختلف معاه ولما قولت أنه لسه عنده حاجات مظهرتش قصدي أن مش كل حاجة عنده طلعت.. لأ موهبته لسه فيها طبقات اللي هو أنت هتبقى عالمي».

وخلال الحوار، علق إياد الموجي على حديث دياب، «محمد رمضان لسه هيبقى عالمي؟»، ليرد المخرج مؤكدا تقديره له، موضحا أن بعض التصريحات تم تداولها بشكل مجتزأ وأخرجت من سياقها الأصلي.

رسالة لنقاد القص واللزق

وأوضح مخرج فيلم «أسد»: «أنا بقالي 3 سنين بقول محمد ده أحسن واحد وبحبه وموهوب ويجي حد يقتطع الكلام ده.. كل اللي حصل ده بيبقى مقصود».

مبيتكلمش لغة.. محمد دياب يوضح أزمة تصريحاته عن محمد رمضان

محمد دياب: ماليش في جو الأعلى أجرًا..ومش بتاع بروباجندا زي محمد رمضان

وأثارت تصريحات محمد دياب عن محمد رمضان، جدل كبير بين رواد السوشيال ميديا، خاصًة عقب نظرة الأخير للأول والتي تداولها رواد السوشيال ميديا بشكل واسع.

وقال محمد دياب، في تصريحه: "أنا اللي كان عندي تحدي كبير جدًا وكنت مرعوب منه، عشان الناس كانت بتقولي ورينا بقى هتعمل إيه بعد Moon Knigh، ورايح أشتغل مع مين بقا بالنسبالهم مع محمد رمضان، والناس ممكن تشوف إن التوليفة بينا مختلفة".

وأكمل محمد دياب، قائلًا: "أنا رأي إن محمد رمضان جوهرة ولسه عنده أكتر يقدمه، وفيلم أسد هيظهره بشكل جديد ومختلف عن اللى الجمهور متعود عليه، رغم نجاحه الكبير طبعًا، والناس هتبقى فخورة بيه".

أحداث فيلم أسد

فيلم أسد، تدور أحداثه حول قصة علي بن محمد الفارسي، الذي قاد ثورة العبيد التي استمرت لمدة 14 عامًا خلال فترة الحكم العباسي.