برلماني: «الدكتور يسافر 10 سنين يرجع يفتح مستشفى والكشف 1000 جنيه»
قال النائب رفعت شكيب مقدم المقترح البرلماني لمنع الأطباء من مغادرة مصر قبل 5 سنوات من تكليفهم إن: “الرئيس السيسي عمل حياة كريمة في مصر، كما عمل في كل قرية مستشفى أو مستوصف، واليوم المستشفيات العامة في المراكز لا يوجد بها أطباء”.
وأكد خلال مداخلة هاتفية ببرنامج “الحكاية” والمذاع عبر قناة “ام بي سي مصر” تقديم الإعلامي عمرو أديب: “كل المشكلات التي تحدث نتيجة نقص الأطباء وليس معدات؛ 18 ألف طبيب بيتخرجوا كل سنة، لما 7 آلاف طبيب بيسافر مين اللي هيقعد في البلد، وانا النهاردة عاوز البلد الأطباء يقعدوا 3 سنين على الأقل بعد التخرج”.
واستكمل: “ما ينفعش دولة بحجم مصر تستورد، واحنا في سوهاج وكل الصعيد فيه مستشفيات، والمراكز الرئيسية صرفت فوق المليارات، طب المستشفيات دي هتقعد فاضية ولا محتاج حد يخدمها؟!”.
وأضاف: «مع تعديل راتب الطبيب، الطبيب بيسافر 10 سنين يرجع عامل فلوس كويسة ويفتح عيادة ولا مستشفى ويقولك الكشف 1000 جنيه».
وطالب برفع رواتب الأطباء حتى تتوافق مع متطلبات العيش والحياة اليومية.
كما علق الإعلامي عمرو أديب على أزمة هجرة الأطباء التي أثارها أمس؛ قائلا: «هل ممكن بأي حال إن أقول شئ عظيم الاعتداء على الأطباء في المستشفيات؟!، لأ، وعلى فكرة الاعتداء على الأطباء موجود في كل حته في العالم، وانا مش ببرر العنف، والعنف ضد الأطباء مرفوض رفضا تاما، لكن لازم نشوف حل لموضوع الأطباء، هو عيب لما أقولك البلد صرفت عليك؟، طب ما صرفت عليا أنا كمان، أنا تلت أربع دفعتي وانا متخرج من 30 سنه قاعدين في البيت لدلوقتي».
وقال الإعلامي عمرو أديب خلال تقديم برنامج “الحكاية” والمذاع عبر قناة “ام بي سي مصر”: «عندي ثقة منقطعة في الطبيب المصري، أنت عارف فيه كام واحد خريج كلية قاعد في البيت، إحنا عاوزينك يابني، إحنا محتاجينك، انتوا عاوزين مذيع ميت؟!، إحنا مؤثرين جدا، وقضية الأطباء موجوده قدام الدنيا كلها».
كما انفعل الإعلامي عمرو أديب على ردّ فعل الأطباء بشأن الهجرة التي أثارها أمس؛ قائلا: «يا عم سافروا كلكم سيبوا البلد وسيبوا المستشفيات، أنا ازعل في أي، بس أنا شايف إن البلد لازم تتصرف، هو النهاردة حضرتك كطبيب أو طبيبة اخدت الشنطة وسافرت حد هيقولك حاجة، أعمل فلوس وانبسط ياخي بس عامل على الناس اللى هنا».
