طارق الشناوي: «محمد فؤاد دايما بينفلت وبيخترع قصص.. ليست عقلية موهبة»
رد الناقد الفني طارق الشناوي على سؤال بشأن رد فعله على الدخول في معركة عنيفة مع الفنان محمد فؤاد، قائلا: «محمد فؤاد بيصعب عليا.. منفعل ومش عايز ازيد انفعاله، يعني دايما عنده حالة انفعال، في حالة انفعال دائم»، خلال لقاءه ببرنامج «مساء الياسمين»، على شاشة الشمس.
معركة عنيفة مع الفنان محمد فؤاد
وقال: «يصعب عليا.. كان المفروض يبقى له مكانة أكبر بكتير، من اللي هو وصل لها، وموصلش عشان ما فيش عقل يدير موهبة، في دايما بينفلت وبيخترع قصص، ساعات يعني يقول مثلا انه اتقابلنا بباريس مش عارفة كان بيعرض فيلم كذا، وانا جريت عليه عشان اسلم عليه معقوله يعني انا هروح.. لم يحدث».
وأضاف: «هو عايش في دور.. نجم الكل يجري وراءه.. مش موجود بالمعنى الفني ولا موجود، كل شوية يقول عندي مشروع هل المشروع ده رأى النور؟، عايش في وهم»، مواصلًا: «الصدمة بتاعة إسماعيلية رايح جاي انا بعتبرها.. بقدر قدر ما رفعت هنيدي حاول بعدها محمد فؤاد يقول إن الفيلم ده هو والنجاح له، شركات الانتاج راحت فين؟ راحت لهنيدي».
وتابع: «اللي حصل سنة 97.. الفيلم ده تم عرضه وجاب ضعف ما كان يحققه الفنان عادل امام، إسماعيلية رايح جاي خطوة فاصلة في تاريخ السينما المصرية والكوميديا»، مضيفًا: «المنتجين قالوا إن سر الإيرادات في محمد هنيدي، محمد هنيدي كان إسمه رقم أربعة كان يسبقه محمد فؤاد وخالد وحنان ترك، وهو رقم اربعه».
وأكد الناقد الفني طارق الشناوي، خلال استضافته في برنامج «آخر النهار» المذاع عبر قناة النهار، أن فيلم «الملحد» أثار حالة من الجدل منذ الإعلان عن اسمه، موضحا أن الحكم على الأعمال الفنية لا يكون من العنوان فقط، لأن «الجواب مش دايمًا بيبان من عنوانه» .
وأوضح "الشناوي" أن اختيار اسم «الملحد» لا يمثل مشكلة في حد ذاته، مشيرًا إلى أن الاعتراض الحقيقي يجب أن يكون فقط في حال ترويج العمل للإلحاد، وهو ما نفاه، مؤكدا أن الفيلم يقدم شخصية الملحد كما يقدم أي شخصية أخرى، دون تبني أو ترويج للفكرة، داعيا إلى مشاهدة العمل كاملا قبل إصدار الأحكام عليه.
وأضاف أن الفيلم يتناول القضية بشكل مباشر وصادم، ووصفه بـ«الفجاجة» في طرح الإيمان ومواجهة الإلحاد، لافتا إلى أن المباشرة الزائدة في أي عمل فني قد تفقده جزءا من متعته.
