شيماء سعيد ارملة إسماعيل الليثي: "خطيبي بيحبني من 4 سنين ولسه معملناش خطوبة رسمي"
خرجت الميك أب ارتيست شيماء سعيد أرملة المطرب الراحل إسماعيل الليثي عن صمتها لتكشف حقيقة خطوبتها ودخولها في علاقة عاطفية بعد ما لا يقل عن عام، وذلك من خلال مقطع فيديو عبر منصة تيك توك.
شيماء سعيد توضح تفاصيل دخولها في قصة حب
حيث قالت شيماء سعيد: “الموضوع خد أكبر من حجمه، أنا مقولتش اتجوزت ولا عملت خطوبة وأنا مش مضطرة أبرر لحد أنا بكلم متابعيني اللي بحبهم مش بكلم الشعب، أنا بطمن متابعيني اتخطبت لشخص تبع أبويا وأخويا أنا مشوفتوش وكان بيحبني من أربع سنين أنا مبحبش حد، أنا لسه معملتش خطوبة رسمي وكانت خطوبة على الضيق، مش أنتوا اللي هتعرفوني أزعل ازاي على جوزي، ركزوا في حياتكم”.
شيماء سعيد تعلن خطوبتها
وقد كشفت الميك أب أرتيست شيماء سعيد أرملة المطرب الراحل إسماعيل الليثي عن خطوبتها، بعد ما لا يقل عن عام من وفاة زوجها، وذلك من خلال بث مباشر عبر حسابها الرسمي على موقع التيك توك.
حيث قالت شيماء سعيد في الفيديو: "أنا مش هكدب عليكم واقولكم أني مش هتجوز، لما فكرت أتجوز هتجوز أب لعيالي يكون كويس وبيخاف عليا أخويا بيقول مش هينفع أني اتجوز قبل سنة سنتين احتراما للميت أنا مش هعرف أعيش في بيت من غير راجل.. حقي أعيش حياة مستقرة".
طلب صديق الراحل إسماعيل الليثي
وفي سياق آخر، قد كشفت الميك أب أرتيست، شيماء سعيد، أرملة إسماعيل الليثي، عن طلب صديق الراحل المُقرب الحصول على مليون و350 ألف جنيهًا ثمن السيارة التي توفى بداخلها، إثر حادث أليم، في نوفمبر من العام الماضي.
وقالت أرملة إسماعيل الليثي في فيديو متداول لها عبر السوشيال ميديا : “صاحب عمره بيطالبني بـ مليون و350 ألف حق العربية اللي إسماعيل عمل بيها الحادثة، وأنا ماخدتش حاجة منكم، وأنا ماروحتش حتى خدت لبسه، ولما إسماعيل توفى كان قاعد في شقة لمدة 6 شهور وكان فيها فلوسه ولبسه ودهبه وحاجات كتير”.
