أحمد موسى يكشف كواليس قرار استيراد الدواجن لضرب الغلاء قبل رمضان

كشف الإعلامي أحمد موسى، عن استجابة سريعة من الحكومة لمناشدته التي أطلقها بالأمس بشأن ضرورة التدخل لضبط أسعار الدواجن قبل حلول شهر رمضان. 

ضبط أسعار الدواجن

وأعلن موسى خلال برنامجه "على مسؤوليتي" المذاع عبر فضائية "صدى البلد"، عن اجتماع هام عقده مثلث الأمن الغذائي المتمثلين في وزيرا الزراعة والتموين ورئيس جهاز مستقبل مصر، لاتخاذ قرار باستيراد كميات من الدواجن المجمدة.

وقال أحمد موسى: "ده ملف أو جزء من ملف مثلث الأمن الغذائي اللي أنا إمبارح ناشدتهم من هنا.. وطلبت يا جماعة لو سمحتوا عشان الناس والتجار بتوع الفراخ والدواجن يغلوا الأسعار.. استوردوا".

غلاء الأسعار

وتابع موسى: "خاطبت علاء فاروق وزير الزراعة، والدكتور شريف فاروق وزير التموين، والدكتور بهاء الغنام رئيس جهاز مستقبل مصر.. قلت لهم لو سمحتوا أنتوا كمثلث مسؤول عن الأمن الغذائي استوردوا شحنة ولا اتنين ولا تلاتة عشان الأسعار تنزل".

وأشاد موسى بالتنسيق السريع قائلا: "عملوا النهاردة الاجتماع.. عشان بياخدوا قرار التلاتة بيقعدوا مع بعض عشان نستورد دواجن مجمدة ونطرحها في المنافذ قبل شهر رمضان.. عشان نزود المعروض في الأسواق ونضبط الأسواق وتبدأ الأسعار تنزل".

وعن تأثير القرار الفوري على السوق، أوضح موسى: "الأسعار نزلت النهاردة، حتى لو نزلت 5 جنيه، اسمها نزلت بعد القرار، يبقى كان القرار قرار صائب".

وأكد أحمد موسى: "الدولة كله شغال عشان المواطن، محدش عايز حد يبقى عنده أزمة، لكن ما حولك من أزمات وتحديات بيخلينا رايحين لمشاكل كتيرة، لكن لازم نبقى شايفين بلدنا ورايحين فين".

وفي سياق متصل، تحدث ثروت الزيني، نائب رئيس اتحاد منتجي الدواجن، عن وضع سوق الدواجن في مصر بالتزامن مع حلول شهر رمضان المبارك، كاشفا عن تفاصيل حركة الأسعار وآليات العرض والطلب التي تحكم هذا القطاع الحيوي.

أسعار الفراخ الحية والنمط الاستهلاكي

وأوضح الدكتور ثروت الزيني في مداخلة هاتفية ببرنامج «كلام الناس» المذاع على شاشة «mbc مصر»، أن مصر تنفرد بنمط استهلاكي مختلف عن دول العالم فيما يخص تداول الدواجن، حيث يعتمد المواطن المصري بشكل أساسي على الفراخ الحية، بينما يعتمد العالم على الدواجن المجمدة أو المبردة.