رئيس شعبة الذهب يتوقع هبوط مؤقت للمعدن الأصفر.. وياسمين عز توجه رسالة للشباب

قال الدكتور هاني ميلاد رئيس شعبة الذهب باتحاد الغرف التجارية، خلال مداخلة هاتفية له في برنامج «كلام الناس» المذاع عبر شاشة «إم بي سي مصر» :«الذهب ممكن يقل مافيش حاجه بتعلى إلى ما له نهاية يعني».

توقعات بانخفاض الذهب

وتابع: «لكن هو هينقص بنسبة بسيطة، أحنا اتعودنا أنه لما بينقص بيكون نسب قليلة، لكن هيقدر يرجع يرتفع تاني على المدى البعيد».

وفي سياق متصل، قالت الإعلامية ياسمين عز، خلال حلقة اليوم من برنامج «كلام الناس» المذاع عبر شاشة إم بي سي مصر: «المتضرر الوحيد من موضوع الدهب اللي داخل على جواز أو خطوبة لأنه الملزم ومفروض عليه يجيب دهب لمراته أو خطيبته».

2 طن دهب مش واقعي

وأضافت: «لازم ياجماعة نخفف الطلبات شوية على الشاب، مينفعش يقول عايز 2 طن دهب لشيماء ده مش واقعي وده مش تقليل من قيمة البنت بس ده رفق بظروف الراجل».

وأردفت: « بلاش شغل الصعيد بيجيبوا بالكيلوات ده، لازم نلغي ده خلاص مبقاش موجود دلوقتي، الكيلو بقا وزن الخضار واللحمة مش الدهب خالص».

مش هيقلل من قيمة شيماء

واستكملت: «ده مش هيقلل من قيمة شيماء مع بنت خالتها، بس لو معملتش كدا بنتك هتفضل قاعدة جنبك ومش هتتجوز، سهل على نفسك وعلى الناس ، ولا تقلل أوي ولا تبالغ أوي».

قالت الإعلامية ياسمين عز: «متطلبيش يا شيماء الدهب بالجرام ولا تقولي لا عايزة دبلة أو خاتم صب، خدي حاجه شكلها حلو وخلاص».

وتابعت خلال حلقة اليوم من برنامجكلام الناس المذاع عبر شاشة إم بي سي مصر: «استفادي بعريسك  يا شيماء ومتطلبيش كتير وخلصي بسرعة واتجوزي».

رفقا بالراجل

وأردفت: «رفقا بالرجل، هو لو سابها مش هياخد الدهب، مش هيرجعله تاني، ولو طلق مش هياخد الدهب».

وفي سياق متصل، قالت الإعلامية ياسمين عز، خلال تقديم برنامجها «كلام الناس»، المذاع على شاشة قناة «إم بس سي مصر»: «لو خلاص دخلتي خطيبك ونزلتيه من على كتفك جوه باب الشقة تحفة، خطيبك جالكم البيت يشتغل بلقمته بقى، والا هتتحسب عليه خطوبة والسلام؟، لا بعد ما تتخطبي خطيبك هيزوركم مرة في الأسبوع هي مرة كفاية مش مرتين ولا تلاتة».