البطوطي عن واقعة الأهرامات: السياحة العربية لها طابع خاص (فيديو)
علق وليد البطوطي نقيب المرشدين السياحيين الأسبق على الأزمة التي حدثت بمنطقة الأهرامات؛ مشيرا: «شركات السياحة ممكن تدخل الاتوبيسات لو اعداد كبيرة، والنهاردة الجمعة يعني ذروة تانية».
وأضاف «البطوطي» خلال مداخلة هاتفية ببرنامج «الحكاية»، والمذاع عبر قناة «ام بي سي مصر»: «فيه حاجات كتيرة جدا والسياحة العربية ليها طابع خاص، وكل الأجهزة في الدولة موجودة في الموقع منذ افتتاح طريق الأهرامات الجديد، والحدث جلل، اللي حصل أول يوم كان صعب بكل المقاييس، كان ممكن يتعمل بروفه».
تطوير بوابات الأهرامات
وأكمل: «التطوير مش في الأهرامات بس، التطوير في كل حته في مصر، والأسهم طالعة لفوق لحد 3 /7، واخبارنا إيجابية لكن لا نتحمل أي أخبار سلبية».
من ناحية أخرى؛ وجه الإعلامي عمرو أديب رسالة للتجار، وذلك عقب ارتفاع أسعار المواد البترولية؛ قائلا: «ما تراهنش على السعر، راهن على السوق، لأن السوق هيتكسر ولو اتكسر مش هيرجع تاني، روحوا شوفوا اللحمة دلوقتي ماعدش حد يشتري، خلي بالك احتمال تقعد بالحاجة فكر قبل ما تزود وما تبقاش غبي، لأن دا هيبقى الغباء بعينه»
ناشد الإعلامي عمرو أديب الحكومة عقب ارتفاع أسعار المواد البترولية، بضرورة النظر للمواطنين؛قائلا: «ارجوا من السيد رئيس الوزراء في الأيام القليلة المقبلة أن يفكر في المواطن المصري، خلاص حصل اللي حصل، لو سمحت هنعمل أي للناس».
واستكمل الإعلامي عمرو أديب: «التجار في مصر أقوى من الحكومة بيعملوا اللي هما عاوزينه».
موقف الزيادة المقررة
كما تسائل الإعلامي عمرو أديب عن موقف الزيادة المقررة على المواد البترولية خلال الفترة المقبلة؛ متسائلا ما إذا كانت ستكون مرة واحدة أم على مراحل؛ قائلا: «هتعملوا الـ 4 جنيه مرة واحدة ولا هتعملوها إزاي؟، لازم الحكومة تيجي معانا سكة علشان نعرف هتعمل أى».
وقال الإعلامي عمرو أديب: «الناس كل مواطن حاطط أيده في جيب المواطن اللي قدامه، لو أنا جيت حطيت أيدي في جيب المواطن اللي جنبي هشيله، هاتوا حد بيعرف يعمل بجد».
وأضاف: «الشطارة انك في الأزمة تقدر تظبتها»، متسائلا: «هل القرار دا صح؟، أنا مش واقف ضد الفكرة، خلاص كتب عليكم الزيارة، أنا قولت اللي يخلصه ضميري قدام الناس».
