هل يقصد زيزو؟ ..عمرو أديب عن تجديد عقد صلاح: « فيه مكسب تانى غير البنك»
علق الإعلامي عمرو أديب، على تجديد محمد صلاح عقده مع ليفربول، مشيدًا بنجاح النجم المصري في استثمار تاريخه وأخلاقه داخل الملعب وخارجه
وقال أديب، فى تغريدة نشرها عبر حسابه الشخصي بموقع التواصل الاجتماعي “ إكس ” " مش من فراغ طول عمره محترم .. طول عمره مقدر الجميل.. حتى لو خسر فلوس فيه حاجات كتير تعوضها.. بيستثمر فى الناس.. بيستثمر فى تاريخه عارف أنه فيه مكسب تانى غير البنك . ربنا يرزقك قد نيتك قادر يا كريم ” .
وأعلن ليفربول الإنجليزي، اليوم الجمعة ، تجديد عقد نجمه محمد صلاح، وعبرت جماهير انجلترا عن سعادتها الكبيرة بتجديد عقد النجم المصري مع الريدز لمدة موسمين، مؤكدين دعمهم لاستكمال مسيرته الناجحة مع الفريق الإنجليزي.
وفى وقت سابق وجه الإعلامي عمرو أديب، خلال تقديم برنامج «الحكاية» والمذاع عبر قناة «ام بي سي مصر»: طالب فيه أحمد مصطفى زيزو، نجم نادى الزمالك بعدم الانتقال إلى النادى الأهلى قائلا : يا زيزو ما تروحش الأهلي أقعد في الزمالك علشان تبقى سيد الناس، ما تروحش الأهلي علشان تبقى واقف في الملعب ومحدش من اللاعيبه يضايقك بكلمة، ما تروحش الأهلي اللي عنده 5 أو 6 مقعدهم على الدكة، خليك في النادي اللي يعرف قيمتك».
وتابع أديب قائلا: " مقدرش أقولك أن الفلوس مش مهمه ، بس الأهم انك تكون حاسس بوجودك وتأثيرك فى المكان اللى بتلعب فيه، فرق كبير أما تحس إنك الوحيد أو تحس أنك واحد من الوحايد ، انت عارف جمهور الزمالك بيعشقك وبينتظر بس تتحرك أو تلعب أي لعبة ، طول عمرك زملكاوي جدع أصيل ، فكر شويه بقلبك مع عقلك وأعرف إن التاريخ ساعات بيقلب مع الانسان والنوادى زي كل حاجة أاقدام وقدم الزمالك عليك كان حلو وكان وش السعد ، لا ترحل يا زيزو مش علشان تجيب أجوان علشان احنا بنحبك بجد فى الزمالك ومع الفانلة البيضا .
