بسبب لايفات التيك توك.. تفاصيل خناقة مها أحمد وفادي خفاجة بعد اعتذار الأخير

تصدر اسم الفنانة مها أحمد والفنان فادي خفاجة التريند، وذلك بعدما تقدم الأخير بالاعتذار للفنانة وزوجها، على خلفية الحكم بحبسه 6 أشهر مع غرامة 20 ألف جنيه، ومن ثم إخلاء سبيله أمس بعد دفع الغرامة.

تفاصيل خلاف مها أحمد وفادي خفاجة 

القصة بدأت عام 2023 في شهر نوفمبر، عندما ظهرت مها أحمد مع فادي خفاجة في بث مباشر عبر تيك توك لكن تطور الأمر لخلاف بينهما، بعدما انفعلت مها على متابعيها والمنتقدين لها بسبب ظهورها على التيك توك، ووصفتهم بالخدمات، وقالت: “يا خدمات كفاية، أي خدامة هتفتح بوقها بالشبشب”.

بعدها ظهر مجدي كامل في فيديو جديد وهاجمها، وقال: “إنتي فين ياللي جوزك دكتور؟ إنتي عملتي إيه في حياتك؟ إنتي معملتيش حاجة خالص ولا اشتغلتي، وعمالة تقولي أنا ابني مع كل الاحترام والتقدير على راسي، بس إنتي بتاجري بيه”.

وأضاف: "هي كانت بتعلمني شرب الخمور، جوزك فين، والشنب ده مجاش من فراغ، لما يتحدف بوسة لواحدة مش هقولك مراتي هقولك تخصني، بذمتك يا دكر ياللي من ضهر دكر ينفع، على الله حكايتك، وكل ست على الأبلكيشن ده تفكر تكتر، هضحك على اللي منها، والله يباركلك يا أبويا إنك ربيت رجالة".

خلع ملابسه

في نفس الفيديو فاجأ فادي خفاجة متابعيه وقام بخلع التيشرت وقال:"واللي يفتح عليا لايف قوله ابن سيد خفاجة هيفتح عليك بلد".

حكم بحبس فادي خفاجة 6 أشهر
 

قررت مها أحمد تقديم بلاغ في الفنان فادي خفاجة، وبعد مرور عامين من الأزمة، قضت محكمة القاهرة الاقتصادية، في 24 نوفمبر الماضي، بمعاقبة فادي خفاجة بالحبس ستة أشهر وتغريمه عشرين ألف جنيه، وذلك على خلفية اتهامه بسب وقذف الفنان مجدي كامل، عبر عبارات وُصفت في أوراق القضية بأنها تتضمن خدشًا للشرف والاعتبار وطعنًا في الأعراض، بالحبس 6 أشهر وغرامة 20 ألف جنيه.

بينما تقدم دفاع الفنان فادي خفاجة، بالاستئناف على حكم حبسه 6 أشهر وغرامة 20 ألف جنيه، بتهمة سب وقذف الفنان مجدي كامل، وأخلى سبيله أمس بعد تغريمه 20 ألف جنيه.

فادي خفاجة يعتذر لـ مها أحمد 

قرر فادي خفاجة تقديم اعتذاره للفنانة مها أحمد وزجها أمس، وظهر في مقطع فيديو قال فيه: "أستاذة مها والأستاذ مجدي يا رب تكونوا بخير، أنا بعتذر جدًا عن أي حاجة صدرت مني، كنت غلط وأنا غلط وبعترف بغلطي، وكانت لحظة شيطان وغضب وغير إدارك وكانت فترة في حياتي ربنا ما يعودها تاني تعافيت منها بدون تفاصيل، والحمد لله حاليًا حياتي استقرت وبقالي فترة الأمور تمام، وبعدت عن أي حاجة وحشة، وبقول كده علشان اثبت أن دي فترة ربنا ما يعودها بأي المقاييس، أنا آسف حقكم على راسي وأنا تحت أمركم في أي حاجة تأمروا بيها، وفي النهاية أنتم أساتذة، وزي ما بيقولوا العفو عند المقدرة وبشكركم جدًا، ومستعد لأي حاجة تطلبوها لأن ده حقكم عليا وفي الأول والآخر، وأنتم أساتذتي وأنا تحت أمركم في أي حاجة أدبيًا ونفسيًا ومعنويًا وأنا آسف ويارب يعدي الوقت ده على خير ويحنن قلبكم عليا".