فادي خفاجة يعتذر لمها أحمد ومجدي كامل بعد إخلاء سبيله: آسف ومستعد لكل طلباتكم
تقدم الفنان فادي خفاجة بالاعتذار إلى الفنانة مها أحمد ومجدي كامل على خلفية اتهامه بسب الفنانة وقذفها، حيث كان قد صدر حكم ضده بالحبس 6 أشهر وتغريمه 20 ألف جنيه.
وأخلت الأجهزة الأمنية اليوم سبيله بعد سداده الكفالة المالية وغادر قسم الشرطة صباح اليوم.
وقال فادي خفاجة في فيديو عبر حسابه بموقع فيسبوك: “أستاذة مها والأستاذ مجدي يا رب تكونوا بخير أنا بعتذر جدًا عن أي حاجة صدرت مني، كنت غلط وأنا غلط وبعترف بغلطي، وكانت لحظة شيطان وغضب وغير إدارك وكانت فترة في حياتي ربنا ما يعودها تاني تعافيت منها بدون تفاصيل”..
وأضاف فادي خفاجة: "الحمد لله حياتي استقرت وبقالي فترة الأمور تمام، وبعدت عن أي حاجة وحشة، وبقول كده علشان اثبت أن دي فترة ربنا ما يعودها بأي المقاييس، أنا آسف حقكم على راسي وأنا تحت أمركم في أي حاجة تأمروا بيها، وفي النهاية أنتم أساتذة، وزي ما بيقولوا العفو عند المقدرة وبشكركم جدًا، ومستعد لأي حاجة تطلبوها لأن ده حقكم عليا وفي الأول والآخر، وأنتم أساتذتي وأنا تحت أمركم في أي حاجة أدبيًا ونفسيًا ومعنويًا وأنا آسف ويارب يعدي الوقت ده على خير ويحنن قلبكم عليا".
