مش قادرة أكلم زوجته.. فريدة سيف النصر تتذكر شقيقها
أعربت الفنانة فريدة سيف النصر عن مدى حزنها وافتقداها واحتياجها الشديد لشقيقها الراحل، وذلك من خلال منشورًا عبر حسابها الرسمي على موقع التواصل الإجتماعي فيسبوك.
سبب عدم تواصل فريدة سيف النصر مع زوجة شقيقها
حيث قالت فريدة سيف النصر في منشورها: “واقفل مع بنته يكلمني اخوها اخلص مع اخوها الاقي اخوه وبعدين بنته تاني، كلهم بيقولولي قد ايه بيحبني وعلي طول يوصيهم يسألوا عليا، كلمت كله ونحكي عنه كتيييير، إلا زوجته ماقدرتش اتكلم معاها، قالولي ليه يا عمتو، قولت لهم لأنها هي بدر وانا منهاره اصلا اكتر من كده أنا وهي لا نتحمل، ايوه هي بدر اخويا، لم يكونوا يفترقوا روحه فيها وهي بتعشقه، اصيلة والحب بان في الشدة كانت بتعامل طفل مولود لا حول له ولا قوه تطعمه تغير له تدلله تبتسم له تدعي وتصلي تسنده ليقف وهي صغيرة الحجم كبيرة القلب، كان عندها امل مثلي أن يعود لها مرة اخري”.
واستكملت فريدة سيف النصر قائلة: “عارفه أنه في كلام كتير يتقال ماينفعش نتكلمه واحنا مفتقدينه قلبي يا روحي يا عقلي يا حته من عمري ياخويا، بناتك هايرجعوا بيوتهم لعيالهم وازواجهم وينشغلوا، وابنك الكبير مع زوجته وابنته ومعيشته الله يساعد الجميع ، والصغير لازم يتجوز باي شكل وينشغل غلبان لانك لن تحضر فرحه بس كلنا مش هانسيبه يابددورا يابدر البدور، وكالعاده هايخرج مع صحابه، وكل الكبار رحلوا..هاتبقي هي لوحدها معاه ماهو جواها تحت جلدها مخبياه..والله عياله ماتحملوش زيها طبعا، بيحبوه بس ،عندهم حياة، كله كان بيجي شويه ويمشي لا ينهلك الا هي، الله يبارك لك يا حبيبتي انتي وبناته وازواجهم وولاده وابني وزوجته كل واحد قام بواجبه وزياده وبحب، لكن مش زيك”.
فريدة سيف النصر تتذكر ذكرياتها مع شقيقها
واختتمت الفنانة فريدة سيف النصر حديثها قائلة: “أما أنا كل اللي باطلبه منك يا روح اختك سيبني شويه انا في دنيا غير الدنيا عمال ترجعني، واحنا اطفال وبعدين كل اللي مر في حياتنا مش قادره اطلع من محيطك البكا وجع عيني مع وجع قلبي مش قادره، طمن روحك اللي هايمه حوالينا بحبك اكتر مابتحبني، واشكر زوجتك الغالية علي تسجيلك ليا وانت علي فراش المرض دعاء خاص بي منك، تخيل بتدعي لي وانت المريض وبعتتهولي، صوتك ده هو اللي هايعيشني كانك موجود علي طول وكالعاده بتدعي لي، لا اله الا الله دائما تقولهالي ولما تفتكر اني مارديتش تعيدها علشان نتقابل تاني، في عالم لا نعلم عنه شئ إلا أنه فيه أحبابنا، سلامي لماما لووزة قلبي بلغني أنها فرحانه بلقااك، ولبابا وحمودي وغاده والجميع، سلام يا اغلي الغوالي”.
