بعد حلقة أحمد العوضي.. دانا حمدان تتذكر موقف لها معه
تذكرت الفنانة دانا حمدان موقف جمعها بالفنان أحمد العوضي، وذلك بعد حلقته القوية مع صاحبة السعادة الفنانة إسعاد يونس، وقد كشفت دانا حمدان عن هذا الموقف من خلال منشورًا عبر حسابها الرسمي على موقع التواصل الإجتماعي فيسبوك.
موقف يجمع دانا حمدان وأحمد العوضي
وقد قالت دانا حمدان في منشورها: “شفت لقاء أحمد مع مدام إسعاد وفكرني بموقف حصل منه من سنين طويلة اوي وأحنا بنصور مسلسل في 2017، وجب التنوية: قبل ما اكتب ليس لي اي علاقة لا من بعيد او من قريب بتحيز من اي نوع واآخر مرة قابلت أحمد كان في مسلسل مليكة ودا من فترة بعيدة جدا وانا شخص في حالي وفي عالم لوحدي دا بس في حال حب حد يدخلني في موضوع ما يخصنيش وللكل عندي كل الاحترام والتقدير، في يوم رحت التصوير وكانت مشاهد ليلية، وصلت اللوكيشن والغرفة اللي المفروض اقعد فيها كان فيها زميلة وكنا بنصور في فيلا (ما فيش كرفنات)، وكانت لسه ما خلصتش مشاهدها واحنا في الشتاء فسقعة موووووت فقعدت على كرسي في الكردور استنى الانتاج يشوف هروح فين، بالصدفة خرج أحمد من غرفته وشافني وراح صور مشهد ورجع وأنا لسه قاعده فسألني مالك فقلتله ماليش مكان بستنى فلانة تخلص، فدخل غرفته وقال للمساعد بتاعة فضيلها الغرفة وقالي تفضلي ما يصحش تقعدي كدا لحد ما مكانك يفضى، وهو ما يعرفنيش ولا انا اعرفه وما شوفتوش بعدها حتى علشان اشكره لان ماكنش لينا مشاهد مع بعض لآخر المسلسل بس كان موقف محترم جدا منه، واللي حيقولي عادي هقولك لا مش عادي خاصة لما تكون مبتدئ وكان ممكن جدا اقعد ساعتين واكتر ولا حد كان هيسال لان الغرف محدودة وغيره راح وجة وشافني وعادي جدا ولا الهوا، علشان كدا عمري ما نسيت الموقف دا، واللي يشتغل في الفن هيقولك مواقف البدايات هي اللي بتفضل في الذاكرة أكتر من بعد الشهرة والنجاح حتى لو كانت حاجات صغيرة”.
أحمد العوضي يتحدث عن نجاح فهد البطل
وفي وقت سابق أكد الفنان أحمد العوضي أنه النجم الأعلى أجرًا في مصر بسبب تحقيق مسلسله فهد البطل أعلى مشاهدة حسب ما ذكر في رمضان الماضي، كما تصدر قائمة الأكثر بحثًا في جوجل في مصر خلال عام 2025.
وقال أحمد العوضي خلال لايف عبر صفحته الرسمية على موقع التواصل الإجتماعي فيسبوك : “فهد البطل هو الأعلى بحثًا في مصر في 2025 .. وهو رقم واحد زي ما كان فهد البطل هو الأعلى في 2024 .. وده كله بفضل ربنا ودعمكم .. وإن شاء الله علي كلاي السنة الجاية يبقى الأعلى .. ونبقى كده حققنا الأعلى مشاهدة 3 سنين ورا بعض”.
