بعد أزمة دانا الحمد التجميلية.. دانا حمدان تطلب تدخل سريع من الأطباء
خرجت الفنانة دانا حمدان عن صمتها، وذلك بعدما تحدثت عن الخطأ التجميلي الذي تعرضت له الفنانة السعودية دانا الحمد، الذي يشبه ما تعرضت له دانا حمدان نفسها، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
خطأ تجميلي تتعرض له دانا الحمد
وقالت دانا حمدان في هذا الفيديو: “دانا راحت تعمل إعلان لعيادة تجميل في السعودية، حقنت محفز للكولاجين زي ما حصل معايا بالظبط، وشها ورم ونفخ وهي في العيادة وبعد كده زاد، أه هي مش نفس المادة ولكنها مادة مشابهه ليها، الفرق بينا أن أنا شفايفي مورمتش”.
ضرورة البحث عن حل
وتوجهت دانا حمدان للبحث عن حل، حيث قالت: “أحنا محتاجين نقف وقفة صغيرة، لأن الحالات بتزيد وبتتكرر، لو المواد دي عليها علامة استفهام كبيرة أحنا محتاجين نفهم، لأن الحاجة دي بتتحقن في وشنا، الموضوع زاد في السعودية ودكاترة كتير بدأت تطلع تتكلم عن الموضوع ولم يتفق أحد، دكاترة كتير طلعت تقول أنا مبحقنش المادة دي لأنها بتسبب حساسية وفي دكاترة في مصر طلعوا قالوا كده بردو، لأننا مش واثقين في الآثار الجانبية، ناس تاني قالت أن العيب في طريقة الحقن، وناس تانية قالت كمية الحقن”.
رسالة إلي الأطباء
ووجهت دانا حمدان رسالة إلي الأطباء، حيث قالت: “يا سادة يا أطباء لما بيحصل حاجة زي دي كله بيتملص من المسئولية والحالة اللي واقع عليها الضرر هي اللي بتعاني، العيادة اللي أنا عملت عندها برأوا نفسهم وطلعوا أن أنا بتهمهم، بالرغم من أن أنا فعلا اتحقنت أنا مش بختلق ده، في الأخر اللي اتحمل العواقب أنا لحد أمبارح روحت لدكتور كبير عشان يشوفلي حل لتحت عيني، لو المادة دي الآثار الجانبية بتاعتها مازالت مش واضحة اعتقد أنها لازم تتمنع، لو أنت كطبيب مش واثق من المادة دي لازم تفكر مليون مرة قبل ما تستخدمها، ده حتى عشان سمعتك كدكتور، مبعملش حاجة في حياتي غير سونار ودكاترة وصداع مش راضي يروح في نص وشي الشمال، دور الأطباء توضحلي الآثار الجانبية للمادة، عدم الشفافية مش صح ومش هينفع السكوت عليه”.
