أخبار الفن.. خروج مسلسل مي عز الدين من رمضان وسما المصري تشيد بالعوضي
مرت الساعات الأخيرة بالعديد من الأحداث الهامة على الساحة الفنية، ومن أبرز تلك الأحداث هو خروج مسلسل مي عز الدين الذي يحمل عنوان قبل وبعد من الماراثون الرمضاني القادم، إلي جانب إشادة سما المصري بالفنان أحمد العوضي وتأكيدها أنه الأعلى أجرًا ونسب مشاهدة، وسوف يبرز لكم موقع نيوز رووم تفاصيل أبرز ما حدث خلال الأسطر القادمة.
لضيق الوقت.. مي عز الدين تعلن عن خروج مسلسلها من رمضان 2026
أعلنت الفنانة مي عز الدين عن خروج مسلسلها قبل وبعد من المنافسة في موسم رمضان المقبل لعام 2026، وذلك نظرًا لضيق الوقت، حيث نشرت منشورًا عبر خاصية الأستوري عبر حسابها الرسمي على موقع تبادل الصور والفيديوهات إنستجرام، وقالت مي عز الدين في منشورها: “نظرًا لضيق الوقت، قررنا أنا والقائمين عن العمل إنتاج وإخراج وتأليف تأجيل مسلسل قبل وبعد، عشان نعمله كويس ويأخذ وقته في التحضير، ونقدم حاجة تليق بالمشاهد”.
سما المصري: العوضي الأعلى مشاهدات وهاجمتوه.. لو قلت أنا نمبر وان هتعملوا إيه؟
قالت سما المصري في مقطع الفيديو: “أحمد العوضي في السنين اللي فاتت دي رقم واحد في المشاهدات زي ما طلع وقال في اللايف، في رمضان على القهاوي الناس بتبقى مشغلو أيه، مش العوضي يا جماعة، على اليوتيوب وفي البيوت، هاتولي نجم بطوله بيعمل مسلسلات دلوقتي وبيتشاف زي أحمد العوضي، الناس ليه دايمًا بتهرب من الحقيقة، وبتزيف الحقائق، وبتهاجموه ليه هو عمل أيه، كل ده عشان طلع في لايف قال أنا ربنا كرمني الحمد لله وبقيت رقم واحد في المشاهدات، طب ما دي حقيقة، حد يقولي مين في السنين اللي فاتت دي متشاف أكتر واحد في المسلسلات هو أحمد العوضي، أه دلوقتي هتقولوا تلاقيكي عايزة تمثلي معاه، لا أنا ولا عايزة أمثل ولا اتنيل، أنا خلاص ربنا كرمني بالحجاب خلاص واشوف أعمل بيزنس خاص ليا، أه هتقولوا تلاقيكي معجبة بيه، لا أنا لما اتسألت عليه عند نزار الفارس قولت أنا بحبه كممثل بس هو مش الأستايل بتاعي، أنا بتكلم في الحق، لأننا بقينا نحب نزيف الحقايق”.
سايبة القانون يتصرف.. أول تعليق من فريال يوسف على أزمتها مع نادية الجندي|خاص
خرجت الفنانة فريال يوسف عن صمتها، من خلال تصريحات خاصة لـموقع نيوز رووم عن تفاصيل أزمتها الأخيرة مع الفنانة نادية الجندي، خاصة بعدما قامت برفع قضية ضدها بتهمة السب والقذف، حيث قالت فريال يوسف في تصريحاتها: “أفضل ما تكلمش دلوقتي عن أي حاجة، لأني سايبة القانون ياخد مجراه، ومتأكدة وواثقة في قانون مصر العادل، سكوتي كده احسن والله”.
لسه في العمر باقي قاعدلكم.. فاطمة محمد علي تنجو من حادث سير
خرجت الفنانة فاطمة محمد علي في أول تعليق لها بعد نجاتها من حادث سير مروع، وذلك من خلال منشور عبر حسابه الرسمي على موقع تبادل الصور والفيديوهات إنستجرام، وقالت الفنانة فاطمة محمد علي في منشورها: “ربنا نجانى بلطفه وقدرته من موت محقق وعمرى حمانى لسه في العمر باقى قاعدلكم شوية، العربية كانت هاتتقلب وكنت هاتعجن جواها بس الحافظ حفظ ايمانى بعين الحفيظ، اشد بكتير من ايمانى بعين الحسود، ودعواتكم الحلوة حواطتنى وفوقها ستر الله، الحمد لله كثيرًا أنا بخير وده المهم كله يتعوض إن شاء الله، وبخصوص الخضة لو حد عنده الطاسة يسلفهالى”.
