سما المصري: العوضي الأعلى مشاهدات وهاجمتوه.. لو قلت أنا نمبر وان هتعملوا إيه؟
أثارت الفنانة سما المصري الجدل، بعد أن خرجت في مقطع فيديو عبر حسابها الرسمي على منصة تيك توك، لتؤكد تصريحات أحمد العوضي أنه رقم واحد في المشاهدات.
أحمد العوضي هو الأعلى مشاهدة
وقالت سما المصري في مقطع الفيديو: “أحمد العوضي في السنين اللي فاتت دي رقم واحد في المشاهدات زي ما طلع وقال في اللايف، في رمضان على القهاوي الناس بتبقى مشغلو أيه، مش العوضي يا جماعة، على اليوتيوب وفي البيوت، هاتولي نجم بطوله بيعمل مسلسلات دلوقتي وبيتشاف زي أحمد العوضي، الناس ليه دايمًا بتهرب من الحقيقة، وبتزيف الحقائق، وبتهاجموه ليه هو عمل أيه، كل ده عشان طلع في لايف قال أنا ربنا كرمني الحمد لله وبقيت رقم واحد في المشاهدات، طب ما دي حقيقة، حد يقولي مين في السنين اللي فاتت دي متشاف أكتر واحد في المسلسلات هو أحمد العوضي، أه دلوقتي هتقولوا تلاقيكي عايزة تمثلي معاه، لا أنا ولا عايزة أمثل ولا اتنيل، أنا خلاص ربنا كرمني بالحجاب خلاص واشوف أعمل بيزنس خاص ليا، أه هتقولوا تلاقيكي معجبة بيه، لا أنا لما اتسألت عليه عند نزار الفارس قولت أنا بحبه كممثل بس هو مش الأستايل بتاعي، أنا بتكلم في الحق، لأننا بقينا نحب نزيف الحقايق”.
ياسمين عبدالعزيز ساعدت العوضي لأنها حبيته
واستكملت سما المصري حديثها قائلة: “وبتقولوا أه ما أصل اللي وصلك واحدة، قصدكم مين يعني مراته ياسمين عبدالعزيز، ياسمين أنا اشتغلت معاها في الدادة دودي أجمل وأحسن وأنضف وأجدع الممثلات اللي أنا قابلتها في حياتي، هي حبيت الراجل واتجوزته، إيه المشكلة لما الست تساعد جوزها، هو كان قبل ياسمين ممثل بس مكنش بياخد أدوار بطولة، ولما حبيته طلع معاها بطولة على أساس أنه جوزها، إيه المشكلة لما تساعده، كم من ممثل ومخرج ومنتج ساعد مراته وساعد أخته، هي حطيته على أول الطريق وهو كمل، هو لو نجح عشان ياسمين اللي ساعدته مكنش عرف يكمل بعدها، كان وقع، تحبوا أقولكم أسماء فنانات طلعوا على حس أجوزاتهم، أو أبناء فنانين أه بيطلعوا في الأول على حسهم ومش عيب بس بعد كده بينجحوا لوحدهم، لكن اللي بيطلع على حس أهله وبيقع يبقي هو أصلا مش موجود”.
ياسمين عبدالعزيز قادرة تدافع عن نفسها
واختتمت سما المصري حديثها مؤكدة: “أيوة أحمد العوضي فعلا هو الأعلى نسبة مشاهدة السنين اللي فاتت، فعلا هو أعلى أجر في السنين اللي فاتت، هو مقالش اه فلانة طلعته في اللايف لأنه محبش يحرجها أو مش عايز يجيب سيرتها عشان ميبقاش في حساسية، عارفين لو كان جاب سيرتها الناس كانت هتقول أه هو بيعمل كده عشان يرجعلها، في ناس كتير من شعبنا ماشي بنظرية جحا وحماره، هيفضل أحمد العوضي فعلا هو الأعلى مشاهدة واعترفوا أنها حقيقة واللي ساعدته ساعدته عشان كانت بتحبه وكانت مراته، وكانت مبسوطة وهي بتساعده، حد أشتكالكم، هي قادرة تدافع عن نفسها، وطلعت في برنامج وقالت أنها بقيت تمام وبقيت كويسة، واتعلمت من تجاربي اللي حصلت كلها، مالكم أنتوا بقي، ليه بتقطموا في الراجل، أحنا كل كام سنة لما بيطلع ممثل جديد وبيثبت نفسه والعالم العربي كله بيتكلم عليه، ما محمد رمضان ممثل جميل جدًا وشاطر وطلع قبل كده وقال أنا نمبر وان، وعمل أغاني اسمها نمبر وان، والناس حبيته ولحد دلوقتي لو محمد رمضان عمل مسلسل الناس كلها هتتفرج عليه عشان الناس بتحبه، براحة ريلاكس أومال لو أنا قولت أنا نمبر وان هتعملوا إيه”.
