أحمد العوضي : أنا نمبر وان أجر ومشاهدة في مصر واستنوا علي كلاي
أكد الفنان أحمد العوضي أنه النجم الأعلى أجرًا في مصر بسبب تحقيق مسلسله فهد البطل أعلى مشاهدة حسب ما ذكر في رمضان الماضي، كما تصدر قائمة الأكثر بحثًا في جوجل في مصر خلال عام 2025.
أحمد العوضي يتحدث عن نجاح فهد البطل
وقال أحمد العوضي خلال لايف عبر صفحته الرسمية على فيسبوك : “فهد البطل هو الأعلى بحثًا في مصر في 2025 .. وهو رقم واحد زي ما كان فهد البطل هو الأعلى في 2024 .. وده كله بفضل ربنا ودعمكم .. وإن شاء الله علي كلاي السنة الجاية يبقى الأعلى .. ونبقى كده حققنا الأعلى مشاهدة 3 سنين ورا بعض”.
أنا النجم الأعلى أجرًا في مصر
وتابع : “أنا النجم الأعلى أجرًا في مصر والأعلى مشاهدة والأعلى مبيعًا .. والحمد لله ده بفضل ربنا وبدعم إخواتي ليا .. وأقل حاجة أقدمهلكم المسابقات .. وإن شاء الله أفضل رقم واحد .. ويبقى الفرق بيني وبين رقم إتنين وتلاتة زي من هنا لمطروح”.
أبطال مسلسل علي كلاي مع أحمد العوضي
وأكمل أحمد العوضي كاشفًا عن أبطال مسلسله الجديد علي كلاي : “معايا في علي كلاي زميلتي النجمة درة لأول مرة .. وهتشوفوها بشكل جديد .. ومعانا طارق الدسوقي وعصام السقا ويارا السكري ورحمة محسن وسارة بركة وضياء عبدالخالق وأحمد عبدالله محمود وميدو ماهر .. وكلهم إخواتي وحبايبي .. وكمان محمد ثروت وريم سامي”.
وواصل : “هتشوفوا مسلسل ضخم .. فيه كل حاجة .. فيه أكشن ودراما عائلية ورومانسية .. وصراعات في الإطار الشعبي اللي بتحبوه مني”.
وكان قد كشف العوضي في نفس اللايف، عن استعداده للزواج خلال العام المقبل، والاحتفال بعيد ميلاده المقبل معه زوجته، كما كشف موعد عرض فيلمه الجديد شمشون ودليلة.
أحمد العوضي يكشف موعد عرض فيلم شمشون ودليلة
وقال أحمد العوضي خلال فيديو لايف عبر صفحته الرسمية على فيسبوك : “فيلم شمشون ودليلة هينزل في عيد الفطر أو عيد الأضحى .. مع زميلتي النجمة مي عمر .. هيجمع فهد البطل وإش إش”.
موعد زواج أحمد العوضي
وأضاف العوضي : “أحلى عيد ميلاد بالنسبالي السنادي علشان قضيته مع إخواتي .. الحمد لله ربنا العالمين .. وكانت حاجة حلوة إني أقضي العيد ميلاد مع إخواتي اللي بيحبوني .. وإن شاء الله عيد ميلادي السنة الجاية أقضيه معاكم أنا والمدام واللي بعده مع المدام والولاد”.
