أحمد حسن: إدارة الزمالك ترفض التعاقد مع الرمادي وخالد جلال
كشف أحمد حسن، مدير منتخب مصر السابق والمشارك في بطولة كأس العرب، أن إدارة الكرة بنادي الزمالك ترفض بشكل قاطع فكرة التعاقد مع أي من المدربين أيمن الرمادي أو خالد جلال خلال الفترة الحالية، في ظل بحث النادي عن جهاز فني جديد يقود الفريق.
وقال حسن، في منشور له عبر حسابه الرسمي على موقع التواصل الاجتماعي "فيس بوك"، إن إدارة الزمالك حسمت موقفها تمامًا من هذا الملف، مؤكدًا: "فكرة التعاقد مع أيمن الرمادي أو خالد جلال مرفوضة لدى إدارة الكرة بنادي الزمالك".
عمرو سلامة يثير الجدل: اختفاء الزمالك يعني نهاية الدوري المصري
على صعيد آخر، كان قد حذّر المخرج عمرو سلامة من خطورة اختفاء المنافسة بين قطبي الكرة المصرية، مؤكدًا أن تراجع الزمالك عن المشهد سيصيب الكرة المحلية بالانهيار ويخفض نسب المشاهدة والإعلانات ويُفقد الدوري قيمته التسويقية تمامًا.
وفي تغريدة له عبر حسابه الرسمي على منصة "إكس"، قال سلامة: "الأهلاوي اللي فرحان النهاردة في وقوع الزمالك هيزعل بكرة، مناخ كورة بقطب واحد بينافس فرق من غير جمهور يوصلنا لكورة مملة بلا روح بلا قيمة تسويقية".
وأضاف: "مصر تعدادها تضاعف في آخر عشرين سنة لكن نسبة المهتمين بالكورة قلت بشكل ملحوظ بسبب انهيار فرق جماهيرية كثير وغياب التشويق لتفوق الأهلي بسنين ضوئية لأسباب اتشرحت واتعادت كثير والجدال عليها مابيخلصش.. مع كمان أسباب زي سهولة متابعة دوريات عالمية خلتنا نعرف قد إيه الدوري بتاعنا مقدد، مع غياب الجمهور في المدرجات اللي خلتك بتتفرج على ماتشات سامع فيها كل أصوات اللعيبة والجهاز الفني حتى لو عطسوا، بقيت لما تقلب القناة من بين سبورت ل أون سبورت تحس أحاسيس غريبة وتشم الريحة اللي في أول محور ٢٦ يوليو".
عمرو سلامة: تفوق الأهلي وحده يُميت المتعة والمشهد بدون الزمالك خطير
وتابع "سلامة": "تخيل بقى كمان لو الزمالك طلع من المشهد نسبة المهتمين بالدوري المصري هتقل قد ايه؟ وقيمة الإعلانات اللي هي أهم دخل للكرة وأهم دخل للتليفزيون برا رمضان هتتهبد إزاي، بالتبعية الفلوس اللي رايحة للأندية ومنها الأهلي هتقل قد إيه؟ لما الفلوس تقل، والتنافس يقل، جودة اللعيبة تقل، قدرة حتى الأهلي على المنافسة الأفريقية والعالمية اللي فرحانين بيهم - ودورة كـ "ممثل لمصر" – تقل".
