سيدة تتهم سائق "دي دي" بضربها على وجهها بسبب تأخرها 3 دقائق
زعمت سيدة تدعى سمر سليمان عن تعرضها للاعتداء بالسب والضرب على وجهها من قبل سائق يعمل لحدي أحد تطبيقات النقل الذكي "دي دي" مشيرة إلى أن سبب الخلاف كان تأخرها عن موعد بدء الرحلة 3 دقائق.
وكشفت سمر تفاصيلة الواقعة في منشور عبر حسابها على فيسبوك، قائلة انها فور ركوبها السيارة، وجه لها السائق عبارات لوم بسبب التأخير.
وعندما حاولت تبرير تأخرها بأنها لم تتجاوز الـ 5 دقائق المسموح بها قبل احتساب أي رسوم إضافية، غضب السائق وألغى الرحلة.
وتابعت السيدة المجني عليها حسب زعمها ان السايق بادرها بالسب قائلة: رد عليا وقال أنا والله كنت عارف، علشان كده أهي الرحلة أنا لغيتها علشان مش ناقصة أشكال وسخة، فقررت إني هطلع موبايلي وأصوره.
وأضافت السائق شد من إيدي الموبايل وضربني في وشي وهو بيشتم.
وأردفت سمر سليمان أنا نزلت من العربية وناديت على الناس في الشارع، بس طبعاً ولا أي حد اتدخل، ولما فاض بيا، حدفت عليه إزازة، فقرر إنه المفروض يضربني في الشارع.
وأكملت سليمان مأساتها مع سائق
"دي دي": الناس اتدخلت علشان إيه بقى؟ علشان يهدوه ويساعدوه يرجع عربيته تاني علشان يا حبيبي كان متعصب.
"أنا بطلب من كل حد عندي يعمل شير للبوست علشان كفاية أوي لحد كده.
وأكدت أنها حررت محضر بالواقعة، لمعاقبة المتهم على فعلته.
