في أول تعليق بعد قرار الوقف.. إسلام كابونجا: "أنا غلطت واتحسبت"
أثار قرار منع وإيقاف مطرب المهرجانات إسلام كابونجا من الغناء جدلًا واسعًا، ومن المقرر أن يتم التحقيق معه داخل نقابة المهن الموسيقية في خلال ساعات، لكنه خرج عن صمته من خلال بث مباشر لتوضيح حقيقة الأمر.
تعليق إسلام كابونجا على قرار إيقافه عن الغناء
حيث قال إسلام كابونجا في حديثه: “عايزكم في موضوع كده بالنسبالي حياة أو موت، طبعا كلنا شوفنا الخبر اللي نزل أن أنا اتوقفت، أي حاجة تصدر من النقابة على دماغي، بس اقسم بالله العظيم وهحلف على المصحف وغلاوة بنتي الأغاني دي قديمة، وفي ناس أخواتي ياما هل تؤيد القبض على إسلام كابونجا، وناس مني وناس بتسمعني وناس بحبها كاتبين نعم نؤيد، أي حد يؤيد فوق دماغي، بس الأغاني دي قديمة، وحسبي الله ونعم الوكيل في أي حد بينزلي فيديوهات قديمة عشان يرازيني في أكل عيشي، ورزق بنتي، أنا عندي تحقيق كمان شوية عادي أي حاجة تصدر في التحقيق فوق رأسي، أنا غلطان ، بس واللهي الأغاني دي قديمة، الناس اللي بتسمعني هتعرف القديم من الجديد، الأغاني من الصيف اللي قبل اللي فات”.
واختتم إسلام كابونجا حديثه باكيًا وقائلًا: “عموما الناس اللي عايزاني اتوقف أنا اسف ليكم لو أنا سمعتكم حاجة مش عجباكم، الحاجات دي قديمة واتحسبت عليها خلاص، الناس اللي شايفاني وحش متعاملوش معايا وبيحكموا عليا من بعيد، في ناس ياما رزقها هيتقطع بس أنا كفيل بيهم طول فترة وقفي، وأيف لو سمعتكم حاجة وحشة بس أنا اتغيرت وناس كتير سمعتكم حكاجات وحشة واتغيرت”.
قرار منع إسلام كابونجا من الغناء
في سياق متصل، قررت نقابة المهن الموسيقية برئاسة الفنان مصطفى كامل، إحالة مؤدي المهرجانات إسلام كابونجا، لـ التحقيق في واقعة الفيديو المنتشر له على مواقع التواصل الاجتماعي بسبب أزمة كلمات الأغاني، وستتخذ النقابة قرارًا حاسما بعد التحقيق في ما يخص أزمة كابونجا سواء بالشطب النهائي من النقابة، أو الإيقاف .
وكان أصدر نقيب المهن الموسيقية الفنان مصطفى كامل، قرارًا منذ ساعات بوقف التصريح الربع سنوي لـ مؤدي المهرجانات الشعبية إسلام كابونجا، بجانب دراسة شطبه نهائيًا من نقابة المهن الموسيقية، على خليفة أزمة كلمات أغنيته الأخيرة التي تعرض بسببها لهجوم حاد من الجمهور.
وكتب مصطفى كامل، عبر حسابه الرسمي على موقع التواصل الاجتماعي فيس بوك: قولًا واحدًا لا مكان لهذا الشخص بيننا وإيقاف التصريح الربع سنوي له.. وغدًا بإذن الله استطلاع رأي السادة الزملاء بلجنة العمل د / علاء سلامه والأساتذه / منصور هندي ومحمد صبحي وأيمن أمين بشطبه نهائيًا، تم تحذيره كثيرًا.. وتم التنبيه عليه كثيرًا ولا حياة لمن تنادي.
وأضاف مصطفى كامل: “مع العلم أن مسؤولية ترخيص ورقابة وإجازة كلمات الأغاني، تعود إلى السادة وزارة الثقافة والإدارة العامة للرقابة على المصنفات الفنية .”
