أول ذكرى ميلاد بعد وفاتها.. لميس سلامة تحيي ذكرى والدتها
أعربت الإعلامية لميس سلامة عن حزنها الشديد خاصة في ذكرى ميلاد والدتها الأول بعد وفاتها، وذلك من خلال منشورًا عبر حسابها الرسمي على موقع التواصل الإجتماعي فيسبوك.
لميس سلامة تحيي ذكرى ميلاد والدتها
وقالت لميس سلامة في منشورها: “النهاردة عيد ميلاد مامتي حبيبة قلبي وروحي وصاحبتي وونسي اللي كان في الدنيا، يومين صعبين عليا لا بنام ولا كنت بخرج اليومين اللي فاتوا عشان عارفة اني مش هستحمل اليوم ده النهاردة من غيرها ومش هعرف أكلمها ولا أشوفها، أول مرة في عيد ميلاد مامتي أنزلها صورة او فيديو، كنت دايما ببعدها تماما عن السوشيال ميديا وكنت بقولها معلش يا مامي انا عندي عدد كبير أوي اوي بيتابعوني ومش عايزة أأذي حد مامته متوفية وأوجع قلبهم وهما بيشوفونا بنفرح وكدة وهي كانت دايما معايا في الرأي ده ومكانتش أصلا بتحب السوشيال ميديا ولا التصوير وكدة، وهي أصلا كانت علي طول تعبانة وبتعمل عمليات كتير فكنت بخبيها وبنحتفل بيها وبنخرج ونروح ونيجي وعلي طول قاعدة معايا في البيت أو مسافرين سوا بس مش بصورها خالص، والنهاردة بقيت واحدة من اللي مامتهم مش موجودة ومقهورة وحزينة وبنزلها في عيد ميلادها لأول مرة صورة عشان أدعيلها ربنا يرحمها ويسكنها فسيح جناته ويصبرني ويقويني علي أصعب أيام بعيشها ربنا وحده اللي أعلم بيا فيها هي بتعدي عليا ازاي، الحمدلله الحمدلله”.
لميس سلامة غير قادرة على تجاوز وفاة والدتها
في سياق متصل، قالت الإعلامية لميس سلامة، أنها غير قادة على تجاوز أزمة وفاة والدتها، معتذرة عن ظهورها في بث مباشر عبر حاسبها على فيسبوك، وهي في حالة نفسية سيئة، وكتبت لميس سلامة: والله ما عارفة أقولكم ايه، أنا اسفة اني طلعتلكم اللايف بحالتي السيئة دي وشغلتكم معايا وضايقتكم، والله كنت فاكرة اني هقدر أقوي نفسي وأرجع أشتغل وأتواصل معاكم بس مقدرتش أمسك نفسي غصب عني والله العظيم.
وتابعت: “أنا ربنا يعلم بحالي أنا مش بنام ومش عارفة أعيش ولا ليا نفس خالص أعمل أي حاجة، ولا أشوف ناس، ولا أتكلم مع حد ومقهورة ومكسورة، وعدم وجود أمي في حياتي، شئ صعب جدا عليا، مش عارفة خالص أستحمله، وبموت كل لحظة، مش عارفة أستحمل، بس والله راضية بقضاء الله جدا جدا الحمدلله”.
