لأول مرة بعد وفاة والدتها.. لميس سلامة تحتفل بعيد ميلادها
مرت الإعلامية لميس سلامة بظروف نفسية قاسية بعد وفاة والدتها خلال الأشهر الماضية، حيث وجهت رسالة حزينة أثناء احتفالها بذكرى ميلادها الأول بدون والدتها، وذلك من خلال منشورًا عبر حسابها الرسمي على موقع التواصل الإجتماعي فيسبوك.
لميس سلامة تفتقد والدتها في عيد ميلادها
وقالت لميس سلامة في رسالتها: “النهاردة عيد ميلادي .. لأول مرة من غير أمي .. في كل سنة كانت بتكلمني وتعيد عليا .. وتعملي عيد ميلاد وتفاجئني .. آخر عيد ميلاد ليا مامي عملتهولي في الإسماعيلية وكنت فرحانة أوي .. بس بعد مامي ما راحت مبقاش فيه حاجة تفرح خلاص .. والله كإني عايشة زي الانسان الآلي بعمل كل حاجة أداء فقط .. بصور بتكلم وبرسم ضحكة وبأدي دور بشخصية تانية خالص غير اللي في قلبي ومخي”.
حزن لميس سلامة على فقدان والدتها
واستكملت لميس سلامة حديثها قائلة: “بس مضطرة اجي على نفسي وأكمل واتعايش حتي لو مليش نفس .. لحد ما اليوم يخلص واشيل الميكاب واقلع لبس التصوير .. وابقي لوحدي واحس أني على طبيعتي براحتي مع نفسي .. امبارح بنتي والناس القريبين اوي مني .. فاجئوني وعملولي عيد ميلاد على الضيق كدة في مدخل العمارة .. عشان عارفين أني مش عايزة اخرج ولا احتفل ولا ليا نفس أصلا .. فصمموا برضه يفرحوني .. والله غيرت مود وشوفت الناس وفرحت أنهم بيحاولوا يقفوا جانبي ويفرحوني .. بس أنا قلبي بيقول ياريت مامتي كانت موجودة .. طبعا لسة مش عارفة ومش قادرة بس بحاول .. الحمدلله على كل حال .. وسنة جديدة في حياتي من غير أمي معرفش هتعدي ازاي”.
لميس سلامة غير قادرة على تجاوز وفاة والدتها
في سياق متصل، قالت الإعلامية لميس سلامة، أنها غير قادة على تجاوز أزمة وفاة والدتها، معتذرة عن ظهورها في بث مباشر عبر حاسبها على فيسبوك، وهي في حالة نفسية سيئة، وكتبت لميس سلامة: والله ما عارفة أقولكم ايه، أنا اسفة اني طلعتلكم اللايف بحالتي السيئة دي وشغلتكم معايا وضايقتكم، والله كنت فاكرة اني هقدر أقوي نفسي وأرجع أشتغل وأتواصل معاكم بس مقدرتش أمسك نفسي غصب عني والله العظيم.
وتابعت: “أنا ربنا يعلم بحالي أنا مش بنام ومش عارفة أعيش ولا ليا نفس خالص أعمل أي حاجة، ولا أشوف ناس، ولا أتكلم مع حد ومقهورة ومكسورة، وعدم وجود أمي في حياتي، شئ صعب جدا عليا، مش عارفة خالص أستحمله، وبموت كل لحظة، مش عارفة أستحمل، بس والله راضية بقضاء الله جدا جدا الحمدلله”.
مامتي كانت كل حاجة ليا
وأوضحت الإعلامية لميس سلامة قائلة: “بس مامتي كانت كل صحابي واختي وبنتي وونسي، ودايما مع بعض في كل حاجة بعملها، وأي مكان بروحه، احنا بنبقي سوا وأي حاجة مضايقاني كنت بحكيلها هي وأفضفضلها هي، أمي كانت ست جميلة مصلية متدينة حنينة وخدومة وخيرة، وبتساعد الناس ومن صغرنا اتعلمنا منها الحاجات الحلوة دي وكانت بتشجعنا عليها”.
وأضافت لميس سلامة: "أمي مكانتش ست عادية، كانت ست ليها اسمها وناجحة ومعروفة والناس كانت بتحبها عشان قلبها حلو ونيتها دايما خير وروحها جميلة وقاعدتها لذيذة وخفيفة وبتشجعنا ع الخير دايما.
