مشغولة مع أولادها.. شقيقة حلا شيحة تحسم الجدل حول اعتزالها
تصدرت أنباء اعتزال الفنانة حلا شيحة تريند جميع مواقع التواصل الإجتماعي، ولكن خرجت شقيقتها رشا شيحة في أحد اللقاءات الصحفية على هامش فعاليات مهرجان القاهرة السينمائي الدولي، لتحسم هذا الجدل المُثار حول حلا شيحة.
حقيقة اعتزال حلا شيحة
وقالت شقيقة حلا شيحة في تصريحاتها: “أنا زيي زيكم معرفش حاجة، بس اللي متأكدة منه أن حلا هتفضل فنانة وليها الحتة بتاعتها اللي متميزة فيها، وهي عمرها ما فكرت في الاعتزال، بس الظروف دلوقتي مخلياها مشغولة مع أولادها، لكن قريب هترجع من كندا وكله هيبان”.
حلا شيحة تعلق على فترة زواجها من معز مسعود
على جانب آخر، كانت حلا شيحة أعربت عن استيائها الشديد من تصريحات نُسبت لها، تخص فترة زواجها من الداعية معز مسعود، حيث زعم أنها وصفت فترة زوجها بأسوأ فترة في حياتها.
وأكدت حلا شيحة أن هذه التصريحات عارية تمامًا من الصحة، حيث كتبت عبر ستوري حسابها بموقع إنستجرام: “مش عارفة إيه الكلام ده ومين اللي نشره على لساني، يا ريت اللي يكتب خبر يتحرى الدقة.. أنا ما قلتش الكلام ده نهائي”.
حيث أن حلا شيحة قد فتحت قلبها في مقطع فيديو عبر قناتها الرسمية على “يوتيوب”، كشفت فيه تفاصيل مؤلمة عن فترة طلاقها الثانية، مؤكدة أنها مرت بحالة نفسية صعبة بعد الانفصال، وصل بها الأمر إلى أن تشعر بالغضب تجاه الذات الإلهية، في لحظة وصفتها بأنها كانت مليئة بالتشويش العاطفي والروحي.
وقالت الفنانة حلا شيحة: “لما لبست الحجاب المرة اللي فاتت مكنتش عارفة أكمل فيه، لأني مريت بلخبطة كبيرة بعد الجواز والطلاق. كنت فاكرة إن الزيجة دي هتكون عون ليّ لحياة أحسن، لكن لما اكتشفت إن كل ده مش مضبوط، حسيت بصدمة كبيرة”.
وأضافت الفنانة حلا شيحة: “بعد طلاقي الأولاني كنت بسمع كتير إن اللي بيتطلق وهو مش عايز، وخصوصًا لما يكون عنده أولاد، ممكن يتعرض لصدمة نفسية (تروما) تؤثر على كيمياء الدماغ… وفعلاً ده اللي حصل لي. حسيت إن في حاجة اتكسرت جوايا، وكنت بقول: يا رب أنا زعلانة منك. أنا سيبت كل حاجة وجيتلك، ليه مش واقف جنبي؟ وده طبعًا كان غضب مني، وغلط كبير. كنت حاسة إني بنتقم من نفسي ومن حلا، وده مش أنا، مش الصورة اللي اتربيت عليها”.
