دينا مش خرابة بيوت .. حلا شيحة تدعم دينا الشربيني بعد الهجوم عليها مؤخراً

أعربت الفنانة حلا شيحة عن دعمها الكامل للفنانة دينا الشربيني بعد موجة الانتقادات والشائعات التي طالت الأخيرة خلال الأيام الماضية، مؤكدة أن ما ينشر بشأن علاقتها ببعض الأزمات الزوجية لا يمت للحقيقة بصلة وأن دينا الشربيني نيتها دائما طيبة مع الناس .

مساندة ودعم حلا شيحة لدينا الشربيني 

وكتبت حلا شيحة عبر صفحتها الرسمية على موقع التواصل الإجتماعي إنستجرام : الجميلة دينا الشربيني أعرفها من سنين طويلة، 
وأشهد إنها من أطيب وأرقّ القلوب روح مرحة، خفّة دم، وجدعنة وصديقة قريبة، ونيّتها دائمًا طيبة مع الناس.

وأضافت : رسالتي للناس اللي بتهاجمها:
للأسف, العتب مش بس على اللي بيصدق الإشاعات..العتب الأكبر على بعض الإعلاميين اللي فقدوا المهنية، وبقوا ينشروا كلامًا غير موثوق وغير صحيح.. والناس تسمع وتنقل وتزود من عندها!

وتابعت : أولًا وبوضوح دينا مش "خرابة بيوت" ولا عمرها كانت كده الزواج والطلاق قسمة ونصيب، ومحدّش بيخطف حد من حد وأنا أعرف دينا كويس... وأعرف إنها ما تعملش حاجة من اللي بيتقال ظلمًا.
المشكلة إن السوشيال ميديا بقت ساحة مفتوحة للإشاعات، والتجريح، والخوض في الأعراض... وكأن الكلام ما بقاش له حرمة ولا مع أن كلام المؤذي ممكن يكسر قلوب ويظلم ناس بريئة 
وربنا أمرنا إننا نمسك لسانا، وما نخوضش في سمعة حد... لأن دي من أخطر الذنوب، وإحنا كلنا هنقف قدام ربنا ونتحاسب على كل كلمة قلناها أو نقلناها.

واستكملت : ولحبيبتي دينا سيبي كل ده وراكِ.
إنتِ إنسانة جميلة من جوه وبره، وقلبك طيب ونيّتك بيضا، وما يستاهلش تتأذي من كلام جاهل لا يعرف حقيقتك ربنا يكرمك بالخير اللي قلبك يستحقه.

واختتمت : ولكل من خاض في عرضها اتقوا اللّه الكلمة أمانة، وظلم الناس مش لعب. وكل واحد هيتحاسب أمام رب العالمين على اللي قاله واللي نشره واللي شارك في إيذاء إنسانة بريئة.
وقد قال رسول اللّٰه :
«من تتبّع عورة أخيه تتبّع اللّٰه عورته، ومن تتبّع اللّٰه عورته فضحه ولو في جوف بيته».
وقال رسول الله صلى الله عليه وسلم : «لا يدخل الجنة نمّام».