"هفكر ألف مرة".. ياسر جلال يتحدث عن الجزء الثالث من "جودر"
تحدث الفنان ياسر جلال، خلال بث مباشر، عبر صفحته الرسمية على فيسبوك، عن إمكانية تقديم جزء ثالث من مسلسله جودر، بعدما قدم الجزء الثاني في السباق الرمضاني الأخير.
جزء ثالث من “جودر”
وقال ياسر لمتابيعه خلال اللايف : "فيه جزء ثالث من جودر، لكن أنا هفكر ألف مرة قبل ما أقدمه، لأني تعبت أوي، والأعمال الاجتماعية صعبة وما بالك بالتاريخية، الهدوم مش بتاعتنا وأماكن التصوير صعبة وعاوز تركيز أكتر".
مسلسل رحيم
كما رد ياسر جلال على إمكانية تقديم جزء ثانٍ من مسلسله رحيم، الذي قدمه في موسم رمضان 2018 ولاقى نجاحاً ملحوظًا، وقال ياسر خلال البث المباشر: "المنتج ريمون مقار عاوز يعمل رحيم 2 وكلمني ولكني متخوف، هو مكتوب بشكل كويس ومش عاوز أحرقه. وبتكتشف أن رحيم ما متش بعد ما اضرب بالنار، وهينقذوه بعد ما قلبه توقف وراح المستشفى، أنا بخاف من مسلسلات الأجزاء أوي، رغم في العالم كله بتتقدم، وعندي طموح أقدم شخصيات مختلفة، جودر مش جزئين 30 حلقة واتقسموا".
"أنا مش متواضع"
وتحدث "جلال" عن وصفه بالتواضع خلال نفس اللايف مع متابعيه وقال: "أنا مش متواضع، أنا بني آدم طبيعي، والواحد هيتغر ليه وهيتنك ليه؟ وفي ثانية ممكن يموت، إيه اللي هيكسبه من الغرور؟، الفن المفروض أنه بيهذب صاحبه والفن اللي ميأدبش صاحبه مالوش قيمة، الفن فيه رسالة جميلة ومثل عليا وبيتكلم عن الحق والخير والجمال والفنان لازم يكون سلوكه سوي، فيه حاجة في علم النفس اسمها التطهير، لازم تكون من جواك سوي وطبيعي بتشيل الشوائب وبتغسل نفسيتك ومشاعرك علشان تقدر تقدم أدوار فنية".
آخر مسلسلات ياسر جلال
جدير بالذكر، أن مسلسل جودر 2 لـ ياسر جلال، حقق نجاحاً ملحوظًا في موسم رمضان الأخير، وجاء العمل بنفس أبطال الجزء الأول، وشارك بجانب جلال في البطولة، ياسمين رئيس، نور اللبنانية، وفاء عامر، أيتن عامر، أحمد فتحي، وليد فواز، جيهان الشماشرجي، أحمد بدير، عايدة رياض، رشوان توفيق، وطارق النهري، والمسلسل من تأليف أنور عبدالمغيث وإخراج إسلام خيري، وإنتاج الشركة المتحدة ومحمد السعدي شركة media hub وشركة أروما لـ تامر مرتضى.
