ياسر جلال: احترموا خصوصية رامز.. ولو عمل فيا مقلب مش هضربه ولكن هاخده في حضني
كشف الفنان ياسر جلال، أن شقيقه رامز يحب الخصوصية ولا يحب أن يظهر عائلته للعلن، مطالبًا من الجمهور أن يحترم خصوصيته، إلى جانب رده على إمكانية تعاونهما سويًا في عمل فني.
وقال ياسر جلال في لايف عبر حسابه بموقع فيس بوك: “رامز محترم مش بيحب يظهر عائلته للناس ولازم نحترم فيه ده، هو جميل على مستوى الأسري ومراته ست عظيمة وابنه ياسر نسخة منه، لما بحب أفتكر أيام زمان وإحنا صغيرين ببص لياسر ابنه، لازم نحترم خصوصية رامز، مش بيحب خصوصيته تظهر للعلن وأنا موافقه على ده”.
وعن إمكانية تعاونهما في عمل سويًا قال ياسر جلال: "بعشق رامز جلال.. أخويا وحبيبي.. كان كلمني قبل كده، ووليد صبري كلمني.. لكن المشكلة لازم نقدم موضوع ينفعنا ونكون في الشكل اللي الناس نفسها تشوفنا فيه، علشان تبقى ذكرى حلوة، وسعيد إني طلعت ضيف شرف في فيلمه سبع البرومبة لأني بحب أفلام رامز عمومًا.
وأضاف ياسر جلال: “فيه مسلسلات قديمة أنا روامز عملناها ومكانتش بتتعرض في التلفزيون المصري، زمان قبل الفضائيات الدول العريية زي الكويت والسعودية كانت بتنتج أعمال خاصة بيها بتتعرض على القنوات الأرضية، وأنا اتشهرت في الخليج قبل مصر، وشهرتي في مصر جاءت بعد مسلسل لن أعيش في جلباب أبي للفنان الكبير الراحل نور الشريف”.
لو رامز عمل فيا مقلب هاخده في حضني
أما عن رأيه في برنامج مقالب رامز جلال الذي يقدمه كل عام وسبب عدم ظهوره به قال ياسر جلال: “بتفرج على رامز وبحبه، لو فرضًا اتعمل فيا مقلب عمري ما هضرب أخويا مش هقدر، أبونا غرس فينا حبنا لبعض ومهما عمل فيا مقدرش محبوش، لو عمل فيا مقلب مش هشتمه ولا هضربه ولا هجري وراه هخده في خضني، لكن هو عاوز ناس دمها خفيف يظهروا في البرنامج، وأنا بعمل أدوار جادة شوية”.
