أسما شريف منير تتحدث عن رأيها بـ فيلم دخل الربيع يضحك
أعربت الإعلامية أسما شريف منير عن سعادتها بعدما حضرت فيلم دخل الربيع يضحك، وذلك من خلال منشورًا عبر حسابها الرسمي على موقع تبادل الصور والفيديوهات إنستجرام.
رأي أسما شريف منير في فيلم دخل الربيع يضحك
وقالت أسما شريف منير في منشورها: “ أنا بعشق الربيع، أنا مولوده في شهر أربعة و بحس ده اللي بيخليني شخص متفائل، بحب البني آدمين بكل تعقيدهم، بكل تناقضهم، وباللي بيخفّوه أكتر من اللي بيظهروا، فيلم دخل الربيع يضحك لمسني جدًا… يمكن عشان هو عنّـا كلنا، عن البدايات اللي بتحسها مزهرة، بس عمرها ما بتكمل زي ما بدأِت، أربع حكايات مختلفة، كل واحدة فيهم بتنتهي نهاية موجعة… مش درامية، لأ، حقيقية، الممثلين في الفيلم مش محترفين، وده يمكن أكتر حاجة خلّت كل لقطة صادقة أوي، وجُمل بسيطة بس موجعة، عشان طالعة من ناس عايشينها مش بيأدوها.”
فلسفة فيلم دخل الربيع يضحك
واستكملت أسما شريف منير حديثها قائلة: “الفيلم وأخد فلسفة الفصول الأربعة بيتكلم عن الربيع اللي بيضحك في وشّك، بس جواه خريف بيستنى دوره، صوَره ساكتة، المزيكا قليلة، بس الإحساس تقيل وجميل، بيوجعك بس يخليك تحب وجعك، مشهد ورا مشهد بتحس إن الكاميرا بتتفرج على الحياة وهي بتكشف اللي جواه نفسها، وده بالنسبالي فن حقيقي، الفيلم كسب جايزة النقاد في مهرجان القاهرة السينمائي الدولي، وده مش صدفة لأنه بيقدّم تجربة نادرة: صادقة، بسيطة، خام، ومليانة روح، دخل الربيع يضحك، ضحك بس بدمعة، ومن كتر ما هو حقيقي، بيخليك تفتكر نفس، روحوا اتفرجوا عليه في سينما زاوية، مبروك نهي عادل و كل صناع الفيلم، و هبه حبيبتي انتي وحشتيني اوي يا رب يوصلك”.
فريق فيلم دخل الربيع يضحك
ويعد فيلم دخل الربيع يضحك من كتابة وإخراج نهى عادل، ومن بطولة سالي عبده، ومختار يونس، ورحاب عنان، وريم العقاد، وكارول عقاد، ومنى النموري، وسام صلاح، وروكا ياسر، وإنتاج كوثر يونس وأحمد يوسف، ومنتج مشارك لورا نيكولوف وسمر هنداوي وساندرو كنعان، ومديرة تصوير سارة يحيى، ومونتاج سارة عبدالله، وتسجيل صوت مصطفى شعبان، وميكساج الصوت أحمد أبوالسعد، وتلوين سامي نصار وأحمد شافعي، ومهندس ديكور سلمى تيمور، ومصممة أزياء مشيرة الفحام، ومخرج منفذ ميسون المصري، ومونتاج تتر: ماركوس عريان.
