3 أماكن أصيبت بلعنة "ديكستر الإسماعلية".. من القاتل: طفل أم رجل؟
لم تكن المعلومات والتفاصيل التي قرأناها عن قصة "ديكستر الإسماعلية " كافية بالنسبة لنا، فذهبنا إلى 3 أماكن لكشف هذا اللغز الذي حير الكبار و الصغار وهي منزل القاتل ومنزل الضحية ومكان إلقاء الجثة؛ لكشف لغز كيفية قيام طفل صغير بقتل زميله، ومن ثم تقطيعه إلى 6 أجزاء، وحمله في حقيبته المدرسية وتوزيع جثته على أماكن متفرقة تبعد حوالي 10 كيلو مترات من موقع الجريمة هي المسافة بين منطقة المحطة الجديدة ومنطقة كارفور الإسماعيلية.
3 أماكن أصيبت بلعنه ديكستر الإسماعلية
ذهبنا بالفعل إلى المنطقة الأولى وهي منطقة المحطة الجديدة والتي يعيش بها يوسف المتهم، وتحدثنا مع جيرانه والذين أجمعوا على أن المتهم يوسف طفل هادئ، ووحيد ومهتم برعاية إخوته الصغار، فهو على حد وصفهم كان بمثابة أب وأم لأخواته الصغار، وأضافوا أنه كان معتاد الجلوس بمفرده في شرفه المنزل ومعه هاتفه، وأنه كان دائم الجلوس وحيداً في منزله وغير متفاعل مع جيرانه وليس لديه أي أصدقاء أو أقارب، ومن الغريب رؤيته مع أصدقاء، مؤكدا أنه لا أحد رأى محمد وهو يدخل معه إلى المنزل.
جيران يوسف قاتل صديقة يرون ما حدث
ووصف عم بنداري جار المتهم يوسف في لقائه مع الإعلامية مارينا إبراهيم، وقال:" أقول لكم إيه بس يا جماعة؟ والله يوسف ده عيل غلبان خالص ووحيد، ومحدش معاه ولا بيرعاه، أمه سابته ومشيت وهو بقى الأب والإم لاخواته الصغيرين، عمري ما سمعته عمل مشكلة أو عمل حاجة وحشة في حد، ساعة الحادثة أا كنت موجود في بيتي وعشان البلكونة بتاعتي في وش البلكونة بتاعته سمعت صوت يوسف وهو بيتخانق مع واحد جوه وصوت حد بيزعق وبيقول إنت بتضربني ليه يا عم؟ و بعدها بساعة بالظبط سمعت صوت منشار كهرباء" .
وأضاف هشام السمكري جار المتهم يوسف في لقائه مع الإعلامية مارينا إبراهيم، بقوله: "يوسف ده يا أستاذة إحنا مكناش بنشوفة خالص ولا بنحس بيه، أنا الدكان بتاعي قدام بيتهم وبلمحه طالع البيت 4 مرات في الشهر، هو دايما في حاله وملوش أي اختلاط بحد، أبوه شغال نجار شباك وباب وبيخرج الصبح وبيرجع باليل وملوش برضو تعامل مع حد، وأمهم مشيت واتطلقت، ويوسف هو اللي بياخد باله من اخواته واحنا مكناش متوقعين إنه يعمل كدا أبدا، حصل ده منه ازاي منعرفش، بس بتاع الكياس اللي جنبنا بيقول إن يوسف كان معاه صاحبه اللي قتله وهو بيشتري الاكياس".
جيران محمد ضحية صديقة يطالبوا بالقصاص
وأفاد ميدو صاحب مطعم السمك جار المتهم يوسف في لقائه مع الإعلامية مارينا إبراهيم، وقال:"أنا شفته وهو نازل وشايل شنطة المدرسة على ضهره، سألته اللي معاك على ضهرك ده يا يوسف قال لي دي زبالة ورايح ارميها، بعدها لمحت إايده عليها دم ومتعورة قال لي ده احنا كنا بندبح في البيت واتعورت وخد بعضه ومشي، الولد كان واقف وهما بيفرغوا الكاميرات من المحل عندي وعنده ثبات انفعالي رهيب كأن هو اللي معاه حق مش متهم".
وذكر أيضاً جيران محمد ضحية صديقه في الإسماعلية لـ الإعلامية مارينا إبراهيم، ضرورة معاقبة الطفل يوسف المتهم أشد عقوبة وتكونأمام الجميع ليكون عبرة، وأضافوا شكوكهم حول وجود شريك له في الجريمة بالأخص بعد رؤية أحد شهود العيان لوجود سيارة تنتظر يوسف وتساعده في التنقل، وأعربوا ايضاً عن حزنهم الشديد لفقدان الطفل محمد وأنه كان وديع وطيب القلب ويساعد الجميع.
