«المال الحلال أولًا».. دروس مستفادة من بودكاست محمد نجاتي يرويها مصطفى جبر
تحدث المحاضر واستشاري الإنتاجية مصطفى جبر عن اللقاء الأخير مع رائد الأعمال محمد نجاتي، الذي أثار إعجابه بما تضمنه من صراحة وعمق فكري وتجربة إنسانية غنية، مؤكدًا أن نجاتي قدّم نموذجًا حقيقيًا لرائد الأعمال الذي يسعى وراء "المال الحلال" دون التنازل عن المبادئ.
بدأ جبر في منشوره عبر موقع التواصل الاجتماعي "فيسبوك"، بعبارة لافتة قال فيها: "ينعل أبو الفلوس لو حرام!"، مشيرًا إلى أن نجاتي رفض عرضًا بقيمة 25 مليون دولار لأنه لم يكن مالًا حلالًا.
وأوضح جبر أنه يعرف محمد نجاتي منذ أكثر من 4 سنوات، وظل حريصًا على متابعة كل ورش عمله ولقاءاته التليفزيونية والبودكاست الخاصة به، لما تحمله من خبرات ودروس واقعية في مجال ريادة الأعمال.
نجاتي بشخصيته الحقيقية لا يظهر إلا بشخصيته الحقيقية
وأضاف أن أكثر ما شدّه في اللقاء الأخير هو ظهور نجاتي بشخصيته الحقيقية، متحدثًا من القلب ومشاركًا معارفه وخبراته دون تحفظ، محافظًا في الوقت نفسه على الأسماء والذكريات، متسامحًا مع من أساؤوا إليه.
وأشار جبر إلى أن اللقاء الأخير لنجاتي على قناة CNN الاقتصادية حقق نحو 97,829 مشاهدة خلال 3 أيام فقط، مؤكدًا أن المحاورة "لينا" قدّمت أداءً متميزًا بأسئلة مدروسة تهدف لإفادة الجمهور.
وتابع قائلاً: "كل مرة بتعلم منه حاجة جديدة.. لأن الطبيعي إن الإنسان يتطور، واتعلمت من نجاتي إنك لما تتكلم عن حد اتعلمت منه، ده بيعلي منك مش بيقلل منك".
16 درسًا مستفادًا من بودكاست محمد نجاتي
ثم استعرض جبر 16 درسًا مستفادًا من بودكاست محمد نجاتي والذي جاء بعنوان: "رحلة رائد أعمال يبحث عن المال الحلال"، جاء أبرزها:
1- التعليم بالتجارب هو المدرسة الحقيقية:
- محمد أبو النجا اشتغل في 50 شغلانة مختلفة.
- من بيع العربيات المستعملة للمطاعم للتكنولوجيا.
- ما فيش حاجة اسمها "الطريق الصح"، المهم تجرب وتتعلم.
2- الموهبة مش كفاية، لازم تكون في المكان الصح.. محمد بيشبه ريادة الأعمال بالموهبة.. مش بالعافية، لازم تيجي كده دبرياج مع بنزين.
3- أهم قاعدة في الاستثمار هي التوقيت.. فيه شركات تخش فيها في وقت تبقى قمر وتخرج في وقت تبقى قمر والعكس.
4- محمد بيستثمر 99% من فلوسه في التكنولوجيا.. وهو عارف إن ده غباء بس دي طبيعته.
5- الذهب ملاذ آمن.. الذهب قوته في إنه كم محدود، جرام الذهب كان بجنيه في الستينيات والنهارده بـ 6000 جنيه.
6- خليك دايماً زيرو كاش.. محمد دايماً معهوش فلوس.. بيتفق على الاستثمار قبل ما الفلوس تيجي، لو الفلوس جت بيطلعها.
7- البزنس ما فيهوش قلب.. الشركة مش زي بنتك.. الشركة إما بتطلعلك فلوس وإما لا، هتتباع وهتجيب فلوس بيع، مش هتتباع ومش هتجيب فلوس خليها.
8- حدد هدف للخروج من البداية.. محمد بيحط في دماغه من الأول.. لما الفلوس توصل 3 أضعاف، هيسلم على الناس ويخرج.. حتى لو عارف إنها ممكن تعلى أكتر.
9- هات ناس أشطر منك.. هات ناس أشطر منك ومش مشكلة لو أخدوا مكانك، روح اعمل حاجة تانية.
10- السمعة أهم من الفلوس.. من أهم العوامل لما بيستثمر في شركة إن الشخص يبقى صادق ما بيكدبش.
11- الناس اللي بيسرقوا موجودين في كل مكان.. محمد اتسرق من أكتر من 15 شخص، أكتر واحد كان صاحبه وسرق منه مليون و300 ألف دولار.. وسامحه.
12- المال الحلال.. لا تتعارض مع الدين.. منتجة مؤثرة مش بضر حد مش ينفع تتحول لحاجة مضرة.
جات له فرصة يكسب 25 مليون دولار بمبلغ عبيط لكن كانت حرام.. قال لا.. وقال: "ينعل أبو الفلوس لو حرام".
13- أنا أصغر من إني ألوم ربنا، ممكن أقول أكيد إنت شايف حاجة أنا مش شايفها فورِّيها لي.
14- التكنولوجيا والذكاء الاصطناعي دلوقتي زي الوهم.. إحنا بتوع التكنولوجي عايشين اللحظة دي، هتتحول لحقيقة ولا مشكلة؟ العلم عند الله.
15- لو معاك 100 ألف جنيه.. شيل 20% لبيتك أو يعني يشيل النسبة لبيتك..اللي ما تبهدلش يعني لازم بيته يبقى كويس.. على الأقل 6-7 شهور، حط التلت ذهب، التلت تكنولوجي، والباقي اتبرع بيه.. هيجيب لك الباقي كله.
16- أول 6 شهور في أي ستارت أب.. ركز على البرودكت ماركت في إن الشغلانة تليق على السوق، فيه شركات بتنطق وفيه شركات ما تنطقش مهما تتعب فيها.
