«هسيب دراستي لو فضلوا يتنمروا».. ماذا حدث مع الطالب حسن محمد الشهير بالسمكري؟
حالة من الاستياء الشديد عانى منها الطالب حسن محمد الشهير بالطالب السمكري بعد ردود فعل زملائة القاسية؛ في أول يوم دراسة.
لمعرفة الأسباب أجرى «نيوز رووم» مع طالب العلاج الطبيعي دكتور حسن محمد الشهير الدكتور السمكري مكالمة هاتفية أوضح فيها حسن محمد من أسيوط اللي حصل معايا في أول يوم دراسة ليا في كلية الطب، في ناس كتير من أصدقائي في الكلية عرفت بسبب الترند اللي طلع عليا إني شغال في ميكانيكا السيارات والسمكرة بجانب الكلية.
التنمر على طالب العلاج الطبيعي
وقال: إمبارح كان أول يوم دراسة ليا في الكلية، وبصراحة لقيت أصدقائي اتغيروا معايا نهائي بعد الترند، والمعاملة اتغيرت تمامًا، وتريقة ونظرات مهينة ليا ومش حلوة، أنا عايز أعرف ليه بيعملوا معايا كده، أنا ذنبي إيه؟ الشغل عمره ما كان عيب بالعكس ده ستر وكرامة، أنا بشتغل علشان أعرف أصرف على نفسي وأكمل دراستي وأوصل لحلمي اللي أنا نفسي فيه، والشغل ده هو اللي هيخليني أوصل لحلمي وأكون معاكم في الكلية".
وأكمل حديثة قائلًا: «اللي بيوجع في الموضوع إنه اتحول من ترند وقصة كفاح لتريقة وسخرية عليا، وأنا والله إنسان زي زيكم مليش ذنب في الظروف اللي ربنا حطني فيها أنا بعمل اللي عليا وبكافح علشان أعيش مستور وأكون في مستوى كويس اللي أنا بحلم بيه، ولو الموضوع فضل كده وفضلوا يتريقوا عليا ويسخروا مني أنا هسيب الكلية خالص».
يذكر أن حسن محمد ابن محافظة أسيوط وقد ترادوت منذ فترة قصيرة قصته وسمي بالطالب المكافح حيث استطاع أن يجمع بين مهنه السمكرة وحلمه بدخول كلية طب العلاج الطبيعي ومن خلال مهنتة بيوفر مصاريف دراسته الجامعية.
