"امنعوا الضحك".. لؤي الخطيب يسخر من "المفكر الزائف" بعد فضيحة الكوبري
هاجم الإعلامي والمحلل السياسي لؤي الخطيب أحد من يطلق عليهم لقب "المفكرين"، بعد وقوعه في خطأ فادح إثر نشر صورة لكوبري في العراق على أنها من مصر، قبل أن يتعرض لحملة سخرية واسعة على مواقع التواصل الاجتماعي.
وقال الخطيب في تغريدة له عبر حسابه الرسمي على منصة "إكس": "في واحد صحابه بيقولوا عليه "مفكر"، عادي ما هي زاطت مش مشكلة.. المفكر ده قرر يرد على حاجة أنا كاتبها امبارح فكتب تعليق خايب ممكن يكتبه أي مراهق مش عارف يرد على الكلام فبيهاجم وخلاص.. اتبعتلي البوست، فلان "المُفكر" بيرد عليك.. دخلت بصيت على الكلام وفكرت أرد بس مالقتش حاجة أرد عليها فعلا، فبالتشاور مع صديق عزيز قررت أسيبه يرفص وماديلوش كريدت إني رديت عليه".
وأضاف: "لاحقا، "المُفكر" مسح البوست، وأكاد أجزم إن حد من صحابه اللي شايفينه مفكر قال له انت ليه تشهره؟ على أساس إن هو مشهور وفظيع والجماهير العريضة بتسمع كلامه وكده، بس غالبا المفكر حس إن الجملة بترضي غروره ومسح البوست علشان التلات تنفار اللي بيتابعوه مايعرفوش أنا مين من خلاله "امنعوا الضحك".
اختتم لؤي الخطيب تغريدته قائلًا: "لاحقا أكتر "النهاردة تحديدا"، المفكر ده بيتحفل عليه من رواد مواقع التواصل الاجتماعي علشان ناشر صورة من كوبري في العراق على إنها صورة من مصر، وطبعا مسحها كالعادة.. وهنا أتوجه بالشكر لصديقي العزيز اللي شجعني ماردش على واحد مش عارف يتحقق من صورة.. يا وجع التفكير والمفكرين!".
لؤي الخطيب عن تصريحات الدكتور محمود محيي الدين: لم ينتقد أداء الاقتصاد الصري
على صعيد آخر، كان قد علق الكاتب الصحفي لؤي الخطيب، على تصريحات الدكتور محمود محيي الدين، المبعوث الخاص للأمم المتحدة لتمويل التنمية المستدامة، حول الاقتصاد المصري، وأن القاهرة تخطت المرحلة الحرجة.
وقال الخطيب، عبر حسابه الرسمي على منصة "إكس": الحقيقة أنا اتفرجت على الفقرة اللي ظهر فيها الدكتور محمود محيي الدين، "اتفرجت ماقرتش تصريحات منقولة"، ولقيت إن الكلام عادي جدا.
وأوضح: تصرحيات الدكتور محمود محيي الدين هي باختصار إحنا عدينا مرحلة الاضطرابات والإجراءات الاقتصادية الاستثنائية اللي بتواجه الأزمات، ولازم ندخل مرحلة الانطلاق الاقتصادي، ده اللي بتقوله وبتعمله الدولة حاليا.
وتابع: رئيس الوزراء بالفعل أعلن عن رؤية اقتصادية جديدة للسنين الجاية بعد انتهاء برنامج صندوق النقد الدولي، ولحد 2030، مش شايف أي حاجة غريبة، ولا حتى انتقاد موجه للأداء الاقتصادي للدولة، وإن كان ده متاح طبعا في إطار النقد الموضوعي المحترم، لكن أنا شخصيا مالقتش حاجة زي دي.
