ريم أحمد تكشف سبب اختفاء أبطال مسلسل ونيس وعلاقة ذلك بعقد احتكار
كشفت الفنانة ريم أحمد سبب قلة مشاركة أبطال مسلسل يوميات ونيس في أعمال فنية واختفائهم على مدار السنوات الماضية، مثل هدى هاني وفادي خفاجة وسامح صفوت.
وقالت ريم أحمد خلال لقائها مع نيوز رووم: “مش عارفة ممكن حظ وممكن المخرجين والناس اللي في الشغلانة اتغيروا وبقوا جيل مختلف، مش عارفة سبب معين. لكن مرة اتقال لي من صحفيين وناس جوه المهنة عقد الاحتكار هيتفك امتى؟ ممكن يكون ده أحد الأسباب اللي متصدرة في الوسط. لكن محمد صبحي عمره ما عمل لي عقد احتكار”.
وأضافت ريم أحمد أن دور هدى الذي قدمته في مسلسل ونيس قد يكون ضمن أسباب قلة مشاركتها في أعمال فنية، موضحة: "عتابي على الصناع لأني سمعت أكتر من مرة إني ممكن اترشح في دور والمخرج يرفض لأنه بيشوف الدور مش هيليق عليا، وبيوصلي أنه بيتم الحكم عليا ببسبب هدى. وفي النهاية بشوف الموضوع رزق ونصيب والشغل اللي بشتغله ده اللي مكتوب لي. والناس مكانتش هتعرفني لو معملتش هدى لأنه خلاني ادخل البيوت كلها. وأنا هفضل ممتنة لهدى ولحد دلوقتي الناس بتنده لي في الشارع باسم هدى. والناس مكانتش هتكون عارفاني لو معملتش هدى.. وهيفضل أهم دور في حياتي”.
وتابعت ريم أحمد أنها تتمنى أن تكون من نجمات الصف الأول وتقدم أعمالًا متتوعة وتشارك في السينما: “عندي طموح كبير ولسه في أدوار كتير نفسي أقدمها، وأتمنى أكون من نجمات الصف الأول وأقدم أدوار كتير واشتغل على نفسي أكتر وعندي حاجات كتير لسه ما ظهرتش وأتمنى يتعرض عليا أدوار تحقق لي ده”.
آخر أعمال ريم أحمد
تجدر الإشارة إلى أن آخر ريم أحمد مشاركتها في مسلسل حرب الجبالي الذي عُرض مؤخرًا على منصة شاهد وMBC مصر، وحقق نجاحًا كبيرًا، وضم نخبة من الفنانين على رأسهم: أحمد رزق، هبة مجدي، سوسن بدر، رياض الخولي، أحمد خالد صالح، فردوس عبد الحميد، انتصار، لقاء سويدان، منار عبد الحليم، ريم أحمد، مفيد عاشور، وعدد آخر كبير من الفنانين، ومن إخراج محمد أسامة، وتأليف سماح الحريري.
