بيعلمك الاحترام.. ريم أحمد ترد على صعوبة التعامل مع محمد صبحي خلال التصوير|خاص
ردت الفنانة ريم أحمد على اتهامات البعض للفنان محمد صبحي بالتعامل السيئ مع الممثلين خلال التصوير، وصعوبة التعامل معه، مؤكدة أنه يحترم مواعيد العمل ولا يقبل الاستهانة بها.
مش بيتقبل عدم احترام المواعيد
وقالت ريم أحمد في لقائها مع نيوز رووم: “محمد صبحي بيهتم جدًا باحترام المواعيد ويقدرها، لو ميعاد التصوير الساعة تمانية هيكون موجود من سبعة، ومينفعش تمانية يدخل الاستديو مايلاقيش ممثل موجود، ومش بيتقبل عدم احترام المواعيد، لأنه مش بيتقبل يكون فيه عشر ممثلين موجودين وممثل اتاخر .. وحصل قدامي بيشيل الممثل من المشهد”.
محمد صبحي مدرسته ميري والتزام
وأضافت ريم أحمد: “محمد صبحي مدرسته ميري والتزام. وأنا ساعات يكون ميعادي تمانية بروح سبعة ونص ومهما رحت بدري بيكون موجود قبلي، فبيعلمك الاحترام رغم أنه بطل العمل بيكون أول واحد في اللوكشين، بيعلمني أحترم اللوكيشن والشغل اللي بعمله وأقدره علشان ما ابوظش مواعيد كل الطاقم.. لأن إحنا بنكون عدد كبير جدا والانتاج فيه تفاصيل كتير واللي بيعمله هو الصح. طول ما الممثل بيكون عامل شغله صح مش هيحصل حاجة وأنا ما حصلش معايا أي حاجة رغم إني اشتغلت معاه سنين”.
وتعاونت ريم أحمد مع الفنان محمد صبحي في أكثر من عملهم أبرزهم مسلسل يوميات ونيس، بداية من عرض الجزء الأول عام 1994، حتى عرض الجزء الثامن عام 2013 تحت عنوان ونيس والعباد وأحوال البلاد.
آخر أعمال ريم أحمد
وشاركت ريم أحمد مؤخرًا في مسلسل حرب الجبالي بطولة الفنان أحمد رزق والذي عُرض على منصة شاهد على مدار 55 حلقة وحقق نجاحًا كبيرًا وضم نخبة كبيرة من الفنانين منهم: سوسن بدر، رياض الخولي، فردوس عبد الحميد، نسرين أمين، لقاء سويدان، صلاح عبد الله، انتصار، أشرف عبد الغفور، عدد آخر من الفنانين، من إخراج محمد أسامة وتأليف سماح الحريري.
