ريم أحمد: بيحكموا عليا بسبب دور هدى في ونيس.. ونفسي أكون نجمة صف أول |خاص
كشفت الفنانة ريم أحمد سبب قلة الأعمال الفنية التي تشارك فيها، وعلاقة ذلك بحصرها في شخصية هدى بمسلسل يوميات ونيس الذي شاركت في أجزائه الثمانية مع الفنان محمد صبحي، مؤكدة أنها تتمنى أن تشارك في أعمال فنية بشكل أكبر وتكون من نجمات الصف الأول.
ريم أحمد: بيحكموا عليا بسبب دور هدى
وقالت ريم أحمد خلال لقائها مع نيوز رووم: “بالنسبة لي شايفة أنه رزق ونصيب والشغل اللي بشتغله ده اللي مكتوب لي. والناس مكانتش هتعرفني لو معملتش هدى لأنه خلاني ادخل البيوت كلها. ممكن يكون عتابي على اللي شغالين في المهنة لأني سمعت أكتر من مرة إني ممكن اترشح في دور والمخرج يقول دي هدى الناس مش هتتقبلها ومش هينفع تقدم الدور، وبيوصلي أنه بيتم الحكم عليا ببسبب هدى".
دور هدى هيفضل أهم دور في حياتي
وأضافت ريم أحمد: “أنا هفضل ممتنة لهدى ولحد دلوقتي الناس بتنده لي في الشارع باسم هدى. والناس مكانتش هتكون عارفاني لو معملتش هدى.. وهيفضل أهم دور في حياتي”.
وأكدت ريم أحمد في الوقت نفسه أنها تتمنى أن تكون من نجمات الصف الأول وتقدم أعمالًا متتوعة وتشارك في السينما: “نفسي أتقدم وبحاول، ومش هبص مين بيعمل إيه. لكن هركز في إني أنا بعمل إيه، ونفسي أكون متواجدة وأشارك في السينما. ومع ذلك أنا راضية عن اللي أنا فيه، وبقول الحمد لله وطموحي موجود ونفسي أكون صف أول وأقدم أدوار كتير واشتغل على نفسي أكتر وعندي حاجات كتير لسه ما ظهرتش وأتمنى يتعرض عليا أدوار تحقق لي ده”.
آخر أعمال ريم أحمد
كانت آخر ريم أحمد مشاركتها في مسلسل حرب الجبالي الذي عُرض مؤخرًا، وحقق نجاحًا كبيرًا، وضم نخبة من الفنانين على رأسهم: أحمد رزق، هبة مجدي، سوسن بدر، رياض الخولي، أحمد خالد صالح، فردوس عبد الحميد، انتصار، لقاء سويدان، منار عبد الحليم، ريم أحمد، مفيد عاشور، وعدد آخر كبير من الفنانين، ومن إخراج محمد أسامة، وتأليف سماح الحريري.
