محمد رمضان:"حبنا لبلدنا زي صلة الرحم.. وإحنا محظوظين إننا مصريين" (فيديو)
عبر الفنان محمد رمضان خلال تقديم برنامج «مدفع رمضان» والمذاع عبر قناة DMC عن سعادته برد الفعل الذي تلقته أغنية «بتحلوي»، كما أشاد بوجود انتماء لدى الجيل الجديد للبلاد.
وأضاف الفنان محمد رمضان: «مبسوط برد الفعل الجميل على أغنية بتحلوي، ومبسوط اكتر اني لقيت الحمد لله الجديد الجديد ليه فيه انتماء كبير لمصر، لأن من الحاجات اللي كانت بتخضني إن لما بشغل أغاني وطنية في عربيتي ومعايا أصحابي كنت بشوف بعض الاستغراب، ليه مشغل أغنية وطنية ومفيش مناسبة».
واستكمل «رمضان» خلال تقديم برنامج «مدفع رمضان»:«حبنا لبلدنا مش محتاج مناسبة، أنا بحس إنه زي صلة الرحم، زي ما مينفعش يعدي يوم من غير ما أكلم أمي وأطمن عليها، ما ينفعش يعدي يوم من غير ما أفتكر بلدي، واحب في بلدي وادلع في بلدي، لأن ماليش غير بلدي، وهي اللي معلية هيبتي وعاملة ليا قيمة قدام العالم كله».
وأشار "رمضان" إلى فخره بالانتماء إلى الدولة المصرية قائلا: «مصر، إحنا محظوظين إننا مصريين».
نجاح "مدفع رمضان"
يذكر أن الفنان محمد رمضان، أكد استمرار برنامجه "مدفع رمضان" في السنوات المقبلة، بعد النجاح الكبير الذى حققه البرنامج، خلال الموسم الرمضاني الحالي، إذ طالب الفنان من الجمهور الاهتمام بالتليفون الأرضي قائلا :" عوّدوا نفسكم كل رمضان أي تليفون يجيلكم أرضي رد عليه .. جايز اشتغالة .. وجايز يكون أنا فعلًا".
برنامج "مدفع رمضان"
ويغيب الفنان محمد رمضان عن السباق الدرامي الحالي في شهر رمضان ولكنه يشارك ببرنامج "مدفع رمضان" الذي حقق نجاحاً كبيرا.
وقال الفنان محمد رمضان، إن أحمد طارق المنتج وعضو مجلس إدارة الشركة المتحدة للخدمات الإعلامية، معايا طول الوقت ودا اللى بفتقده كتير، وحريصون على أى مكان ندخله فى برنامج "مدفع رمضان" نمشى منه والناس تكون مبسوطة وفرحانة، بنتصور معاهم ونسمع مزيكا سوا".
وأضاف محمد رمضان، خلال حلوله ضيفا ببرنامج "معكم منى الشاذلي" الذى تقدمه الإعلامية منى الشاذلي:"وصلنا كل المحافظات من حلايب وشلاتين للإسكندرية والسويس، وفى ناس كانت فاكرة إن أحنا بنهزر".
وتابع محمد رمضان:"فيه مواقف بكيت فيها، وببتسم مع ناس حقيقين ودا اللي بيسعدنا، والناس عندها عزة نفس".
