أحمد وفيق يتوعد بملاحقة مروّجي فيديو مزيف بتقنية الذكاء الاصطناعي
أعرب الفنان أحمد وفيق عن استيائه الشديد من تداول فيديو مفبرك تم التلاعب به باستخدام تقنية الذكاء الاصطناعي، وظهر فيه صوته مركبًا بطريقة توحي بأنه صاحب التصريحات، مؤكدًا أنه بصدد اتخاذ إجراءات قانونية حاسمة ضد صاحب الفيديو المسيء.
بداية القصة: "كنت بضحك في الأول.. لكن الأمر اتقلب جد"
روى وفيق في مداخلة هاتفية عبر برنامج "الستات" المذاع على قناة "النهار"تفاصيل الواقعة قائلًا: "في البداية ضحكت لما شفت الفيديو، لأنه كان باين جدًا إنه مش حقيقي، لكن مع الوقت بدأت الناس تبعتهولي بجدية ويصدقوا إن ده كلامي". وأضاف أن الصوت الموجود على الفيديو يعود لمحامٍ معروف على تطبيق "تيك توك"، وتم تركيبه على مقطع فيديو عادي له، مما أثار اللبس لدى البعض.
وتابع: "الشخص ده عامل نفسه هو اللي بيتكلم، وبيركب صوته على فيديوهات لناس تانية، والناس بتصدق. أنا قررت آخد إجراء قانوني مش بس عشان نفسي، لكن عشان غيري كمان، ولازم ده يقف".
اتخاذ الإجراءات القانونية: "غدًا أحرر المحضر"
أوضح أحمد وفيق أنه سيقوم بتحرير محضر رسمي ضد صانع الفيديو، وقال: "بكره إن شاء الله هاروح أحرر المحضر. اللي حصل معايا ممكن يحصل مع أي حد، ولازم المجتمع يبقى واعي بخطورة التكنولوجيا لما تُستخدم في الإساءة للناس بدون وجه حق".
وشدد على ضرورة التعامل مع المخالفات عبر وسائل التواصل الاجتماعي بالقانون، قائلًا: "اللي يغلط في الشارع لازم يتحاسب، واللي يغلط على السوشيال ميديا لازم يتحاسب بردو.. مفيش فرق القانون لازم يتطبق على الكل".
دعم لحملة الداخلية: "سعيد بالتحرك ضد الفوضى"
وفي سياق متصل، عبّر الفنان عن دعمه الكامل للحملات الأمنية التي تستهدف بعض صانعي المحتوى المخالف على "تيك توك" و"إنستجرام"، مؤكدًا أن بعض البلوجرز والتيك توكرز أساؤوا لصورة المجتمع المصري أمام العالم.
واختتم حديثه قائلًا: "الناس فكرت إن الدنيا سايبة، وإن أي حد ممكن يعمل أي حاجة ويقول أي كلام.. وده خلّى شكلنا قدام العالم مش بتاعنا. أنا سعيد باللي بتعمله الداخلية، وبطالب بمزيد من الضبط والسيطرة على المحتوى المسيء".
