محلل سياسي: الإخوان يوظفون تريند الزجاجات لحشد الشارع ضد الدولة
اتّهم الإعلامي والمحلل السياسي لؤي الخطيب جماعة الإخوان باستغلال ما سماه "تريند الأزايز البلاستيك" الذي يروَّج له باعتباره وسيلة لدعم غزة، معتبرًا أن وراءه أهدافًا بعيدة كل البعد عن الإنسانية وكسر الحصار.
وقال الخطيب في تغريدة له عبر حسابه الرسمي بمنصة "إكس": "استماتة وسائل الإعلام الإخوانية في الترويج لإن الأزايز البلاستيك اللي بتترمي في البحر بتوصل لغزة، ممكن تبقى مؤشر على إن في هدف من ورا الحكاية دي، وانه مش مجرد ترند أهبل وخلاص.. هو مصمم يقنعك إنها بتوصل، وبيصورلك ناس بأزايز "مش موجود زيها في مصر أصلا"، علشان يقول لك إن الحكاية بتنفع ويالا شارك.. فليه كل ده؟".
وأردف: "غالبا، وكالمعتاد من الإخوان، هو عنده هدف بعيد كل البعد عن الإنسانيات وكسر الحصار والقضية كلها، الهدف ده هو حشد الناس بأي طريقة، والبداية من خلال أفعال زي دي، أفعال إنسانية مالهاش صبغة سياسية معينة، لكنها بشكل أو بآخر مرتبطة بترندات إخوانية".
لؤي الخطيب: النهارده الأزايز في البحر.. بكره المظاهرات
وأشار: "الهدف في سيناريو زي ده لو صح، هو زيادة الكتل القابلة للحركة والتفاعل مع ترندات من النوع ده، علشان مع الوقت تتحول الأفعال المطلوبة من أفعال إنسانية بلا صبغة سياسية، لأفعال موجهة ضد الدولة، أو على الأقل ممكن توفر بيئة مناسبة للاندساس والتخريب.. النهاردة ارمي الإزازة في البحر، بكرة انزل مظاهرة دعما لغزة، بعده انزل ضد النظام علشان في حاجة مش عاجباك، ويالا ثورة ناو."
واختتم الإعلامي والمحلل السياسي لؤي الخطيب تغريدته قائلًا: "الإخوان أدركوا هما واللي مسرحينهم إن دعوات الثورة بقت مضحكة وكوميدية بالنسبة للمصريين، فواضح إن التفكير راح لطرق غير مباشرة للحشد والتحريك.. اللطيف بردو إن المصريين بيتريقوا عادي!".
في سياق آخر، كان قد هاجم الإعلاني والمحلل السياسي لؤي الخطيب، القيادي في حركة حماس خليل الحية، بعد كلمته التليفزيونية التي طالب فيها الشعوب في الدول المجاورة بالزحف إلى فلسطين، ووجه تساؤلات حادة قائلًا: "هل سيدير خليل الحية الزحف من مكتبه المكيّف؟ أم أنه سينضم إليهم في الميدان؟".
وسخر الخطيب من محاولة تحميل مصر مسؤولية ما يجري في غزة، في تغريدة له عبر حسابه الرسمي بمنصة “إكس”، قائلًا: "خليل الحية رئيس حركة حماس الإرهابية طالع من شوية في كلمة تليفزيونية يقول: "نقول لأهلنا في مصر أيموت إخوانكم في غزة من الجوع على مقربة منكم؟"، وبيدعو الشعوب "في الدول المجاورة لفلسطين" بالزحف لفلسطين برا وبحرا! طيب مبدئيا يا خليل، خلينا نفكرك إنك حاليا مش موجود في غزة، فانت عايز الشعوب تزحف وانت تتفرج عليهم في مكتبك المكيف مثلا؟ ولا أول ما يزحفوا هتزحف انت كمان وتقود الجماهير؟ محتاجين نفهم بس! الأهم بقى، قبل ما تسأل مصر قيادة وشعبا أيموت إخوانكم في غزة جوعا على مقربة منكم، محتاجين احنا نسألك هما ليه بيموتوا جوع؟".
